Kéng-sèng chiat-chè | 儆醒,節制 |
---|---|
Chiu Thian-lâi | 周天來 |
e̍k | 譯 |
1. Bô tè sî-sè hong-sio̍k, tiâu-liû, Chú ê tō-lí, lán tio̍h kín-siú; Thiaⁿ Chú bēng-lēng, thàn I kà-sī, Chí-ū chun-kiâⁿ Siōng-tè chí-ì. |
1. 無tè時勢,風俗,潮流, 主ê道理,咱著謹守; 聽主命令,thàn伊教示, 只有遵行上帝旨意。 |
2. Chú ê un-tián, bû-kiông bû-chīn, Jîn-chû phó͘-phiàn, ji̍t-ji̍t ōaⁿ-sin; Chú ê hok-im, ōe kiù bān-bîn, Taⁿ tio̍h thoân-pò, hō͘ lâng lâi sìn. |
2. 主ê恩典,無窮無盡, 仁慈普遍,日日換新; 主ê福音,會救萬民, 今著傳播,hō͘人來信。 |
3. Sî-sî khek-khek kî-tó, kéng-séng, Tè Chú kha-pō͘, hó-táⁿ chìn-chêng; Sèng-kok lîm-kàu tī tē-bīn-chiūⁿ, Chiū ōe ná-chún tī thiⁿ chi̍t-iūⁿ. |
3. 時時刻刻祈禱,儆醒, Tè主腳步,好膽進前; 聖國臨到tī地面上, 就會若準tī 天一樣。 |
4. Ūi Chú phāu-hū jia̍t-lia̍t sim-chì, Su-siúⁿ hêng-ûi, choan-bū chheng-khì; Chiâⁿ chòe thian-kok, kian-kò͘ iâⁿ-lúi, Lóng-sī khò Chú kong-lô, un-hūi. A-men. |
4. 為主抱負熱烈心志, 思想,行為,專務清氣; 成做天國,堅固營壘, 攏是靠主功勞,恩惠。 阿門。 |
(Tâi-oân Kàu-hōe Kong-pò, Tē 865 kî, 1961 nî 1 goe̍h) | (台灣教會公報第865期,1961年1月) |