Thiàⁿ-sim
|
疼心 |
| Phian-chip-sek |
編輯室 |
|
Chi̍t ê chûn-lāi ê i-seng, kā Bí-ní phok-sū (Dr.C.Meyars) kóng khí ē-bīn ê keng-giām: “Ū chi̍t-pái, goán chûn-téng ê chi̍t ê gín-ná poa̍h-lo̍h hái-té, chúi-siú chiong i kiù khí-lâi, thǹg gōa-saⁿ, si-ēng jîn-kong ho͘-khip hoat, góa kóaⁿ-lâi ê sî, chúi-siú lóng kóng gín-ná í-keng sí-lah, bô ǹg-bāng lah. In-ūi lâng chōe, góa bô khòaⁿ chheng-chhó gín-ná ê bīn-māu. Góa tú beh lī-khui, hut-jiân hoat-hiān hit ê sī góa ê kiáⁿ, góa chiū sûi-sî thǹg-khì gōa-saⁿ, bô koh siong-sìn i í-keng bô ǹg-bāng, chīn-la̍t ēng ta̍k-chióng ê pān-hoat, ēng la̍t tùi i ê phīⁿ pûn-khùi, koh chiong i ê sin-khu hoan-lâi hoan-khì, iā chi̍t-bīn âu-kiò Siōng-tè chín-kiù i. Góa án-ni bô thêng ló͘-le̍k 4 tiám-cheng kú, ji̍t-lo̍h ê sî, chiah hoat-hiān tio̍h i iáu ōe chhoán-khùi.”
|
一個船內ê醫生，kā米爾博士（Dr.C.Meyars）講起下面ê經驗：「有一擺，阮船頂ê一個囡仔跋落海底，水手將伊救起來，褪外衫，施用人工呼吸法，我趕來ê時，水手攏講囡仔已經死--lah，無向望--lah。因為人濟，我無看清楚囡仔ê面貌。我tú beh離開，忽然發現hit個是我ê子，我就隨時褪去外衫，無koh相信伊已經無向望，盡力用逐種ê辦法，用力tùi伊ê鼻pûn氣，koh將伊ê身軀翻來翻去，也一面喉叫上帝拯救伊。我án-ni無停努力4點鐘久，日落ê時，chiah發現著伊iáu會喘氣。」 |
|
Thiàⁿ-sim hō͘ lán chiong múi lâng lóng lia̍h-chòe ka-kī chòe chhin-ài ê lâng, lâi kò͘-liām in ê lêng-hûn ê tit-kiù būn-tôe, éng-oán bô sit-chì. Chú ah! ke-thiⁿ goán chit-iūⁿ ê thiàⁿ-sim!
|
疼心hō͘咱將每人攏掠做家己最親愛ê人，來顧念in ê靈魂ê得救問題，永遠無失志。主--ah！加添阮一樣ê疼心！ |
|
(Oa̍h-miā ê Bí-niû tē 50 kî,1959 nî 8 ge̍h)
|
(活命ê米糧第50期，1959年8月) |
