Pe̍h-pe̍h pun hō͘ lâng
|
白白分 hō͘ 人 |
|---|---|
| Chiu Thian-lâi | 周天來 |
|
1. Bô kiû pò-siû, lī-ek ka-kī, Hoaⁿ-hí pe̍h-pe̍h pun hō͘ lâng; Che kiám m̄-sī Chú ê chí-ì, Ài lán chīn-la̍t chòe ê kang? Chá-chêng Kiù-chú tiàm tī sè-kan, Thoân hok-im, i-pīⁿ, kóaⁿ kúi; Chōe-jīn tit kiù, sim-koaⁿ pêng-an, Pe̍h-pe̍h sêng-siū Chú un-hūi. |
1. 無求報酬，利益家己， 歡喜白白分hō͘人； Che kiám m̄是主ê旨意， Ài咱盡力做ê工？ 早前救主tiàm tī世間， 傳福音，醫病，趕鬼； 罪人得救，心肝平安， 白白承受主恩惠。 |
|
2. Chú bat tùi lán kóng chi̍t kù ōe, “Hoaⁿ-hí pun hō͘ pa̍t-lâng ê, Pí tùi lâng the̍h, hok-khì khah chōe; Ōe koh tit7-tio̍h kùi-nā pē.” Pe̍h-pe̍h sêng-siū, pe̍h-pe̍h hō͘ lâng, Thiàⁿ pa̍t-lâng chhin-chhiūⁿ ka-kī; Āu-ji̍t ōe tit pò-siúⁿ ún-tàng, In-ūi sī Chú só͘ hoaⁿ-hí. |
2. 主bat 對咱講一句話， 「歡喜分hō͘別人--ê, 比tùi人提，福氣較濟； 會koh得著幾若倍。」 白白承受，白白hō͘人， 疼別人親像家己； 後日會得報賞穩當， 因為是主所歡喜。 |
|
3. Siōng-tè bô sioh Sèng Kiáⁿ, Ki-tok, Ūi lán hiàn I lâi siū sí; Thòe lán khui-lō͘, thàu kàu Thian-kok, Eng-kai kám-siā, o-lō͘ I . Chit hō un-tián, hok-khì ke̍k tōa, Lán tāi-ke pe̍h-pe̍h hióng-siū; Goān Chú si-lo̍h lêng-le̍k chān góa, Thoân hok-im, chhōa lâng tit-kiù. A-men. |
3. 上帝無惜聖子，基督， 為咱獻伊來受死； 替咱開路，透到天國， 應該感謝，o-ló伊。 這號恩典，福氣極大， 咱大家白白享受； 願主施落能力贊我， 傳福音，chhōa人得救。阿門。 |
|
(Tâi-oân Kàu-hōe Kong-pò, Tē 844 kî, 1959 nî 4 goe̍h)
|
（台灣教會公報第844期，1959年4月） |
