Iâ-so͘ lâi-le̍k koa_5
|
耶穌來歷歌(5) |
|---|---|
| Toh Hêng-lī | 卓恆利 |
|
Iâ-so͘ siū chhì
|
耶穌受試 |
|
1. Chú Iâ-so͘ sóe-lé āu, Sèng Sîn sûi-sî kàu, Chhōa Chú kàu tī khòng-iá khì, Tī hia tú-tio̍h Mô͘-kúi chhì. |
1. 主耶穌洗禮後， 聖神隨時到， Chhōa主到tī曠野去， Tī hia tú著魔鬼試。 |
|
2. Chú kìm-chia̍h toān ji̍t-si̍t, Kè-kiōng sì-cha̍p ji̍t, Choân-jiân bô chia̍h chin kan-khó͘, Seng-khu iau-gō na̍i̍h pak-tó͘. |
2. 主禁食斷ji̍t-si̍t, Kè共40日， 全然無食真甘苦， 身軀iau-gō na̍i̍h腹肚。 |
|
3. Chú Iâ-so͘ pak-tó͘ iau, Mô͘-kúi lâi khiâu-tiàu, Ài I lo̍h bāng siū bê-he̍k, Mô͘-kúi lia̍h che chò sim-sek. |
3. 主耶穌腹肚iau, 魔鬼來khiâu-tiàu, Ài伊落網受迷惑， 魔鬼lia̍h che作心適。 |
|
4. Thâu chi̍t kù chiū chhut-siaⁿ, Nā-sī Siōng-tè Kiáⁿ, Bēng-lēng chio̍h-thâu pìⁿ-chò piáⁿ, Góa chiū sìn Lí chin ū iáⁿ. |
4. 頭一句就出聲， 若是上帝子， 命令石頭變做餅， 我就信你真有影。 |
|
5. Iâ-so͘ kóng, tī Sèng-keng, Kì-chài chin-chiàⁿ bêng, Lâng oa̍h m̄-nā óa-khò piáⁿ, Ài thiaⁿ Siōng-tè kóng ê siaⁿ. |
5. 耶穌講，tī聖經， 記載真正明， 人活m̄-nā倚靠餅， Ài聽上帝講ê聲， |
|
6. Tē-jī pái kóng liáu-āu, Mô͘-kúi koh-chài kàu, Chhōa I ke̍k koân ê sèng-siâⁿ, Ài beh hō͘ I bô sìⁿ-miā. |
6. 第一pái講liáu後， 魔鬼koh再到， Chhōa伊極高ê聖城， Ài beh hō͘伊無性命。 |
|
7. Hō͘ Chú khiā tiān bé-liu, Ài I bē thang kiù, Kiò I tùi chia thiàu--lo̍h-khì, Siōng-tè ún-tàng ōe pó-pì. |
7. Hō͘主khiā殿尾liu, Ài伊未thang救， 叫伊tùi chia跳--落-去， 上帝穩當會保庇。 |
|
8. Tī Sèng-keng iā ū kì, Chú beh hû-chhî lí, Chhiáⁿ Lí kín-kín thiàu--lo̍h-khì, Thiⁿ-sài hû Lí bô tāi-chì. |
8. Tī聖經也有記， 主beh扶持你， 請你緊緊跳--落-去， 天使扶你無代誌。 |
|
9. Iâ-so͘ kóng koh ū kì, Bêng-bêng ū chí-sī, Bo̍h-tit chhì Chú lí Siōng-tè, Siōng-tè sī lán ê Thiⁿ-pē. |
9. 耶穌講koh有記， 明明有指示， 莫得試主你上帝， 上帝是咱ê天父。 |
|
10. Tē-saⁿ pái bô hoat-tō͘, Chiū ōaⁿ pa̍t khoán lō͘, Mô͘-kúi chhōa I chiūⁿ koân soaⁿ, Bān-kok êng-kng pò Chú khòaⁿ. |
10. 第三pái無法度， 就換別款路， 魔鬼chhōa伊上高山， 萬國榮光報主看。 |
|
11. Kā Chú kóng nā pài góa, Pí che koh-khah tōa, Góa chiū lóng-chóng beh hō͘ Lí, Hō͘ Lí tōa-tōa ū hok-khì. |
11. Kā主講若拜我， 比che koh-khah大， 我就攏總beh hō͘你， Hō͘你大大有福氣。 |
|
12. Iâ-so͘ kóng, Sat-tàn thè, Siogn7-tè m̄-sī ké, Chin-sîn Siōng-tè lí tio̍h pài, M̄-thang án-ni loān-loān lâi. |
12. 耶穌講，撒旦退， 上帝m̄是假， 真神上帝你著拜， M̄-thang án-ni亂亂來。 |
|
13. Tùi án-ni lóng bô hāu, Mô͘-kúi chiū kín cháu, Thiⁿ-sài it-chīn lóng chiâu kàu, Hoaⁿ-hí ngiâ Chú liâ sū-hāu. |
13. Tùi án-ni攏無效， 魔鬼就緊走， 天使it-chīn攏chiâu到， 歡喜迎主來伺候。 |
