Chàn-bí Chú koh-oa̍h ê Si
|
讚美主復活 ê詩 |
|---|---|
| Chiu Thian-lâi | 周天來 |
|
1. Ha-le-lu-iah! Chú ū koh-oa̍h! Góa sim hoaⁿ-hí, o-ló bô soah; Chín-kiù chōe-jîn, kong-lô chòe chiâⁿ, Chheng-ho͘ góa Chú, chì-sèng ê miâ: Sìn-khò Kiù-chú, sià góa chōe-ok, Chheng góa chòe gī, thang ji̍p thian-kok, Kám-siā Siōng-tè, chì tōa un-tián, Pe̍h-pe̍h siúⁿ-sù, lóng bô iân-chhiân. |
1. 哈利路亞！主有復活！ 我心歡喜，o-ló無煞； 拯救罪人，功勞做成， 稱呼我主，至聖ê名： 信靠救主，赦我罪惡， 稱我做義，thang入天國； 感謝上帝，至大恩典， 薄薄賞賜，攏無延chhiân。 |
|
2. Ha-le-lu-iah! Chú ū koh-oa̍h! Góa sim hoaⁿ-hí, o-ló bô soah; Jîn-seng o͘-àm, chhiⁿ-chhìn ê lō͘, Chòe góa tâng-phōaⁿ, sī Chú, Iâ-so͘; Góa chòe lâng-kheh, keng-kè khòng-iá, Chú nā ín-chhōa, chòe góa bo̍k-chiá; Chhiⁿ-chhùi chháu-po͘, thián-khui gán-chiân, Chhun-thiⁿ kong-kéng, chiū beh chhut-hiān. |
2. 哈利路亞！主有復活！ 我心歡喜，o-ló無煞； 人生烏暗，悽chhìn ê路， 做我同伴，是主，耶穌； 我做人客，經過曠野， 主若引chhōa,做我牧者； 青翠草埔，展開眼前， 春天光景，就beh出現。 |
|
3. Ha-le-lu-iah! Chú ū koh-oa̍h! Góa sim hoaⁿ-hí, o-ló bô soah; Chí-ū tio̍h sìn, bo̍h-tit kiaⁿ-hiâⁿ, Thiaⁿ Chú bēng-lēng, tè Chú lâi kiâⁿ: Khún-kiû Sèng Sîn, tiàm góa sim-lāi, Kám-hòa góa sim, ài Chú só͘ ài; Kun-tè góa Chú, éng-oán bô lī, Bô-lūn ta̍k ūi, góa lóng beh khì. |
3. 哈利路亞！主有復活！ 我心歡喜，o-ló無煞； 只有著信，莫得驚惶， 聽主命令，tè主來行： 懇求聖神，tiàm我心內， 感化我心，愛主所愛； 跟tè我主，永遠無離， 無論逐位，我攏beh去。 |
|
4. Ha-le-lu-iah! Chú ū koh-oa̍h! Góa sim hoaⁿ-hí, o-ló bô soah; Taⁿ tio̍h pò-iông, Chú ê kiù-un, Ín-chhōa chōe-jîn, kap Chú chhin-kūn: Góa goān kap Chú, tâng sí, tâng oa̍h! Kiàn-tì sèng-hōe, thian-kok kóng-khoah; Chīn chi̍t-sì-lâng, chòe Chú ha̍k-seng, Ho̍k-sāi góa Chú, éng-oán bô thêng. （A-men.） |
4. 哈利路亞！主有復活！ 我心歡喜，o-ló無煞； 今著報揚，主ê救恩， 引chhōa罪人，kap主親近： 我願kap主，同死，同活， 建置聖會，天國廣闊； 盡一世人，做主學生， 服事我主，永遠無停。（阿門）。 |
|
(Tâi-oân Kàu-hōe Kong-pò, Tē 808 kî, 1956 nî 4 goe̍h)
|
（台灣教會公報第808期，1956年4月） |
