Thian-kok Hi-liân
|
天國禧年--養心神詩_31 |
|---|---|
| Pa Khek-lé | 巴克禮 |
|
1 Tio̍h pûn hi-liân hō-tâng, Hok-im hoaⁿ-hí ê siaⁿ; Thiⁿ-ē bān-kok bān-lâng, Lâm-hū ló-iù lóng-thiaⁿ; Hi-liân í-kàu tāi-sià ji̍t-kî, Siōng-tè chhe Kiáⁿ tiàu-lán kui i. |
1.著pûn禧年號筒， 福音歡喜ê聲； 天下萬國萬人， 男婦老幼攏聽； 禧年已到大赦日期， 上帝差子召咱歸伊。 |
|
2 Lán chòe A-tong hō͘-è, Siū-chōe kóaⁿ-chhut Lo̍k-hn̂g, Siōng-tè ê Kiáⁿ kàng-sè; Thòe lán thó-gia̍p tò-tńg; Hi-liân í-kàu tāi-sià ji̍t-kî, Siōng-tè chhe Kiáⁿ tiàu-lán kui i. |
2.咱做亞當後裔， 受罪趕出樂園， 上帝ê子降世； 替咱討業倒轉； 禧年已到大赦日期， 上帝差子召咱歸伊。 |
|
3 Lán chòe Sat-tàn lô͘-po̍k, Chōe-gia̍p ná-kú ná-tāng, Iâ-so͘ lâu-hui̍h lâi sio̍k, Khò i chiū tit tháu-pàng; Hi-liân í-kàu tāi-sià ji̍t-kî, Siōng-tè chhe Kiáⁿ tiàu-lán kui i. |
3.咱做撒旦奴僕， 罪業那久那重， 耶穌流血來贖， 靠伊就得tháu 放； 禧年已到大赦日期， 上帝差子召咱歸伊。 |
|
4 Thian-kok mn̂g-lō͘ tōa-khui, Thiⁿ-pē pâi tōa-iân-sia̍h, Chōe-jîn put-lūn chī-chūi, Tio̍h lâi tâng-chē lim-chia̍h; Hi-liân í-kàu tāi-sià ji̍t-kî, Siōng-tè chhe Kiáⁿ tiàu-lán kui i. |
4.天國門路大開， 天父排大筵席， 罪人不論是誰， 著來同坐lim食； 禧年已到大赦日期， 上帝差子召咱歸伊。 |
