Sèng iā
|
聖夜 |
|---|---|
| Tēⁿ Khe-phoàn | 鄭溪泮 |
|
kái-e̍k
|
改譯 |
|
1. Sèng-tān iā, chheng-chēng iā, Chhut hô-kong, kng iàⁿ-iàⁿ； Kng chiò Sèng Bó, ia̍h chiò Sèng Kiáⁿ, Sèng bí-māu, un-jiû, chû-pi thang thiàⁿ； Chēng-chēng an-bîn bô kiaⁿ, Chēng-chēng an-bîn bô kiaⁿ. |
1. 聖誕夜，清靜夜， 出和光，光iàⁿ-iàⁿ； 光照聖母，亦照聖子， 勝美貌、溫柔，慈悲thang疼； 靜靜安眠無驚， 靜靜安眠無驚。 |
|
2. Sèng-tān iā, chheng-chēng iā, Teh chiú-kiⁿ, chèng bo̍k-chiá: Khòaⁿ-kìⁿ thiⁿ-sài, tùi êng-kng chhut siaⁿ, Hut-jiân thian-kun chhiùⁿ Ha-le-lu-iah: Chú kàng-seng Tāi-pi̍t siâⁿ, Chú kàng-seng Tāi-pi̍t siâⁿ. |
2. 聖誕夜，清靜夜， Teh守更，眾牧者： 看見天使，tùi榮光出聲， 忽然天軍唱Ha-le-lu-iah： 主降生大衛城， 主降生大衛城。 |
|
3. Sèng-tān iā, chheng-chēng iā, Kî-īⁿ chhiⁿ thang gông-ngia̍h; Tang-hng phok-sū koan-khòaⁿ chiū chai-iáⁿ, Ǹg I lâi kiâⁿ, kàu Kiù-chú Sèng-siâⁿ； Hōng-hiàn lé-mi̍h, kèng-thiàⁿ, Hōng-hiàn lé-mi̍h, kèng-thiàⁿ. |
3. 聖誕夜，清靜夜， 奇異星thang gông-ngia̍h; 東方博士觀看就知影， 向伊來行，到救主聖城； 奉獻禮物，敬疼， 奉獻禮物，敬疼。 |
|
4. Sèng-tān iā, chheng-chēng iā, O-ló Chú, chhut tōa siaⁿ; Chì-koân êng-kng, kui Siōng-tè Sèng-miâ, Khèng-hō tē-chiūⁿ, Chú in-sù chò chiâⁿ； Tâng gîm Ha-le-lu-iah, Tâng gîm Ha-le-lu-iah. |
4. 聖誕夜，清靜夜， O-ló主，出大聲； 至懸榮光，歸上帝聖名， 慶賀地上，主恩賜做成； 同吟Ha-le-lu-iah， 同吟Ha-le-lu-iah。 |
|
(Tâi-oân Kàu-hōe Kong-pò, Tē 744 kî, 1950 nî 12 goe̍h)
|
（台灣教會公報第744期，1950年12月） |
