Kò͘ Ông Liāu--sī Siám
|
故王廖氏Siám |
| Phian-chip-sek |
編輯室 |
|
Kò͘ Ông Liāu--sī Siám sī jia̍t-sim ê Chip-sū. Kò͘ Ông Tāi-pi̍t I-seng-niû. I sī Sai-lê Bōng-cho̍k Liāu Seng-phi ong ê lēng-mōe: Liāu Hoàn-chiong, Liāu Sam-tiōng, Liāu Hêng-seng ê lēng-ché.
|
故王廖氏Siám是熱心ê執事。故王大衛醫生娘，伊是西螺望族廖Seng-phi翁ê令妹：廖Hoàn-chiong、廖Sam-tiōng、廖Hêng-seng ê令姊。 |
|
Tùi 19 nî-chêng, Ông Sian-seⁿ kòe- sin í-lâi, jia̍t-sim ho̍k-sāi Chú, in-khîn kàu-ióng 6-ê hāu-seⁿ, 4-ê cha-bó-kiáⁿ. Lô-sim khó͘-chiàn, ūi-tio̍h chú-lú hi- seng. Tùi i ê gâu siat-hoat, ū chai-pôe chú-lú, lóng Tiong-téng í-siōng ê ha̍k- hāu chhut-gia̍p. Ū-ê khì Bí-kok, ū-ê khì Lōe-tē. Ū-ê I-kho, ū-ê Siong-kho, ū-ê Khí-kho. Án-ni lô-khó͘ kàu chi̍t- sì-lâng, kàu lîm-chiong ê sî chiah soah.
|
Tùi 19年前，王先生過身以來，熱心服事主，殷勤教養6個後生、四個查某子。勞心苦戰、為著子女犧牲。Tùi伊ê gâu設法，有栽培子女、攏中等以上ê學校出業。有ê去美國，有ê去內地。有ê醫科，有ê商科，有ê齒科。Án-ni勞苦到一世人，到臨終ê時才煞。 |
|
Cha-bó͘-kiáⁿ lóng kè i-seng. Tōa-ê, Lâu Chín-êng; tē-jī-ê, Khó͘ Chhùn- kim; tē-3-ê, Pò͘ Tāi-hông; tē-4-ê, Tân Kam-eng. Chin khó-sioh ! Tân Kam- eng Sian-seⁿ tī sàng tiūⁿ-ḿ liáu ê nn̄g lé-pài āu, iā saⁿ-sòa seng-thian. Kiû Chú an-ùi i ê ûi-cho̍k.
|
查某子攏嫁醫生。大ê、劉Chín-êng;第2個、許Chhùn-kim；第3個、傅Tāi-hông;第4個、陳Kam-eng。真可惜！陳Kam-Eng先生tī送丈ḿ了ê兩禮拜後，也相續升天。求主安慰伊ê遺族。 |
|
Lūn Ông Sian-seⁿ-niû, it-seng sī kan- ta ēng kî-tó, óa-khò Thiⁿ Pē chò i to̍k- it ê khùi-la̍t. Lîm-chiong ê sî, sim- koaⁿ pêng-an, bīn êng-kng hō͘ Chú chín- tiàu kàu Thian-kok.
|
論王先生娘，一生是kan-ta用祈禱、倚靠天父做伊獨一ê氣力。臨終ê時，心肝平安、面榮光hō͘主拯召到天國。 |
|
I it-seng chin gâu tông-chêng pang- chān chò Chú ê kang ê lâng, ia̍h gâu tông-chêng sòng-hiong lâng.
|
伊一生真gâu同情幫助做主ê工ê人，亦gâu同情散hiong人。 |
|
I ū ûi-giân tio̍h khiām-séng ta̍k-hāng ê só͘-hùi, lâi hiàn-kim tī Tiân-tiong, Hōng-soaⁿ, Sai-lê kok ￥ 100.00. Hióng- siū 61 hòe.
|
伊有遺言著儉省逐項ê所費，來獻金tī田中、鳳山、西螺各￥100.00。享壽61歲。 |
|
Kàu-hōe thiaⁿ-kìⁿ i tńg-khì Pē tau, chē-chē hōe-iú lâu m̄-kam ê ba̍k-sái, siàu-liām i ê gâu chò lâng. Kiû Chú pang-chān, hō͘ i ê sī-sè lóng ê siū i kám-kek, o̍h i ê hó bô͘-iūⁿ, tòe i jia̍t- sim kiâⁿ thiⁿ-lō͘.
|
教會聽見伊轉去父兜，濟濟會友流m̄甘ê目屎，數念伊ê gâu做人。求主幫助，hō͘伊ê序細攏會受伊感激，學伊ê好模樣，tòe伊熱心行天路。 |
|
(Tâi-oân Kàu-hōe Kong-pò tē 649 hō, 1939 nî 4 ge̍h)
|
(台灣教會公報第649號，1939年4月) |
