Hia tán Góa
|
Hia等我 |
|---|---|
| Koa Í-lī | 柯Í-lī |
|
Hia tán Góa
|
Hia等--我 |
|
e̍k
|
譯 |
|
1.Tī hit-pêng sī lán chó͘-ke, Sèng-tô͘ kàu hia kìⁿ Thiⁿ Pē; Sí-sit, kàu-bé bô koân-sè, Hia tán Góa. Chhin-chhiūⁿ àm-mî ná kè-khì, Chiū ōe chiâⁿ-chòe tōa hoaⁿ-hí; Ài tò-khì kap Chú bô lī, Hia tán Góa. |
1.Tī hit 爿是咱祖家， 聖徒到hia 見天父； 死失，到尾無權勢， Hia等--我。 親像暗暝那過--去， 就會成做大歡喜； Ài倒去kap主無離， Hia等--我。 |
|
Hô Hia tán Góa. Hia tán Góa. Hia ū Oa̍h-miā ê chhiū teh khui, Hia tán Góa. Sí-sit, kàu-bé bô koân-sè, Tī hit-pêng sī lán chó͘-ke; Sèng-tô͘ kàu hia kìⁿ Thiⁿ Pē, Hia tán Góa. |
和： Hia等--我， Hia等--我； Hia有活命ê樹teh 開， Hia等--我。 死失，到尾無權勢， Tī hit 爿是咱祖家； 聖徒到hia 見天父， Hia等--我。 |
|
2.Chia só͘ ǹg-bāng sī khang-khang, Saⁿ-thiàⁿ ê chêng ná bîn-bāng; Thian-tông ê tōa hok bô hān, Hia tán Góa. Tī Hô-kiⁿ, kng-kng phó͘-piàn, Sèng-siâⁿ lāi hō͘ lâng him-siān; Lán ê sìn-gióng tio̍h tù-hiān, Hia tán Góa. |
2.Chia所向望是空空， 相疼ê情若眠夢； 天堂ê大福無限， Hia等--我。 Tī 河kiⁿ，光光普遍， 聖城內hō͘ 人欣羨； 咱ê 信仰著tù 現， Hia等--我。 |
|
3.Thiⁿ-sài só͘ tòa ê Kim-siâⁿ, Sī teh o-ló Chú ê Miâ; Hông-kiong chiū-sī Ông ê Siâⁿ, Hia tán Góa. Tī-hia chin-bi̍t teh kau-pôe, Lóng-chóng tòa hia tâng chū-hōe; Kú-tn̂g hok-khì éng bōe-hòe, Hia tán Góa. |
3.天使所tòa ê金城， 是teh o-ló主ê名； 皇宮就是王ê城， Hia等--我。 Tī-hia親密teh 交陪， 攏總tòa hia 同聚會； 久長福氣永bōe 廢， Hia等--我。 |
|
(Tâi-oân Kàu-hōe Kong-pò tē 599 koàn, 1935 nî 2 goe̍h)
|
(台灣教會公報第599卷，1935年2月) |
