Chú tī Khek-se-má-nî
|
主tī 客西馬尼 |
|---|---|
| Chiong Ông-iû | 章王油 |
|
Chú tī Khek-se-má-nî
|
主tī 客西馬尼 |
|
Tiāu ēng “Gethseneiae” chok-kheh- Chiá CHAS.H.GABRIEL.
|
調用「Gethseniae」，作曲者CHAS. H. GABRIEL。 |
|
1.Iâ-so͘ tī Jû-oa̍t-choeh hit mî, I kap ha̍k-seng siú choeh ê sî, Siat-li̍p sèng-lé bô koh kóe-ōaⁿ, Gîm-si liáu-āu khì Ka-ná-soaⁿ. Hô Pòaⁿ-mî kūi ti̍hek7-se-má-nî, Chú beh lim khó͘-poe bô the-sî, Kî-tó liáu chiū tit-tio̍h khah iâⁿ, Chú kóng goān Pē chí-ì tit-chiâⁿ. |
1.耶穌tī 逾越節hit 暝， 伊kap學生守節ê 時， 設立聖禮無koh改換， 吟詩了後去橄欖山。 和 半暝跪tī 客西馬尼， 主beh lim苦杯無推辭， 祈禱了就得著較贏， 主講願父旨意得成。 |
|
2.Àm-mî ná chhim ha̍k-seng ài-khùn, Keng-kè chēng-chēng mî-kan sî-chūn, Thiⁿ-sài thong mm̀i chiú-kiⁿ bô hioh, In thiaⁿ-kìⁿ Kiù-chú teh kiû-kiò. |
2.暗暝那深學生ài睏， 經過靜靜暝間時陣， 天使通暝守更無歇， In聽見救主teh 求叫。 |
|
3.Chit ê poe nā ōe lī-khui góa, Chit ê poe nā ōe lī-khui góa, Chóng-sī m̄-thang thàn góa só͘ ài, Sèng-kiáⁿ kî-tó án-ni saⁿ pái. |
3.這個杯若會離開我， 這個杯若會離開我， 總--是m̄-thang 趁我所ài, 聖子祈禱án-ni 相拜。 |
|
4.Chú kî-tó tī Khek-se-má-nî, Lí tio̍h chai che miâ ê ì-gī, Chú lâu hui̍h-kōaⁿ tī hia iu-chhiû, Chhin-chhiūⁿ siū iû-chhia teh ká-iû. |
4.主祈禱tī 客西馬尼， 你著知che 名ê意義， 主流血汗tī hia 憂愁， 親像受油車teh 絞油。 |
|
5. Lí nā siūⁿ-tio̍h Khek-se-má-nî, Tio̍h kì-tit Iâ-so͘ ū thiàⁿ lí, I ê kî-tó lō͘-bé tek-sèng, Kiù-chú Iâ-so͘ koat-sim hi-seng. |
5.你若想著客西馬尼， 著記tit 耶穌有疼--你， 伊ê 祈禱路尾得勝， 救主耶穌決心犧牲。 |
|
（Khek-se-má-nî ê ì-sù hoan-e̍k chiū-sī iû-chhia）
|
（客西馬尼ê意思翻譯就是油車） |
|
(Tâi-oân Kàu-hōe Kong-pò tē 572 koàn, 1932 nî 11 ge̍h)
|
(台灣教會公報第572卷，1932年11月) |
