Ki-tok kàu Chheng-liân Koa
|
基督教青年歌 |
|---|---|
| Chhòa Pôe-hóe | 蔡培火 |
|
Ki-tok kàu Chheng-liân Koa
|
基督教青年歌 |
|
1.Sai-hng kiù-chhiⁿ chhut-hiān, Tang-pêng phok-sū hoat-kiàn Lâng nā ba̍k-kim khòaⁿ ē chhut, Chek-sī tit-kiù bián sí-bia̍t Iâ-so͘ chiàⁿ-sī kiù-sè Chú,Tē-siōng Thian-kok I kiàn-siat Chúi nā chheng hî chiū hiān, Io̍k-liām sí sìn-sim kian, Ki-tok chheng-liân hó pêng-iú, Hok-im soan-thoân tio̍h hiòng-chiân Ki-tok chheng-liân hó pêng-iú, Hok-im soan-thoân tio̍h hiòng-chiân |
1.西方救星出現，東爿博士發見， 人若目金看會出，即時得救免死滅， 耶穌正是救世主，地上天國伊建設， 水若清魚就現，慾念死信心堅， 基督青年好朋友，福音宣傳著向前， 基督青年好朋友，福音宣傳著向前。 |
|
2.Chhun hong tāng, chhiū khui hoe, Sèng-lêng kàng, lâng hóe chōe, Lán nā ē-thang ka-tī kiù, Tang-thiⁿ ta-chhiū lóng khui-hoe, Kì-tit chá-chêng Gō͘-sûn-cheh, Lêng-kong hoat-hiān chhin-chhiūⁿ hóe, Chú ê poe, lán ê hoeh, Tâng chi̍t thé,sio kau-pôe, Ki-tok chheng-liân hó pêng-iú, Éng-oán tī Chú saⁿ chū-hōe, Ki-tok chheng-liân hó pêng-iú, Éng-oán tī Chú saⁿ chū-hōe. |
2.春風動、樹開花、聖靈降、人悔罪， 咱若會thang 家己救，冬天礁樹攏開花， 記tit 早前5 旬節，靈光發現親像火， 主ê杯、咱ê 血，同一體，相交陪， 基督青年好朋友，永遠tī 主相聚會， 基督青年好朋友，永遠tī 主相聚會。 |
|
3.Thiⁿ-téng ji̍t kng goe̍h bêng, Tē-bīn hoe âng, chháu le̍k, Siōng-tè te̍k-pia̍t si in-tián, Hō͘ lán kap I tâng bô͘ hêng, Piàn-tē kang-san Pē ki-gia̍p, Choân-pō͘ kau-tài lán keng-êng, Beh chò kang , ài thé le̍k, Cháu thiⁿ-lō͘, tio̍h ióng-béng, Ki-tok chheng-liân hó pêng-iú, Tâng-sim hia̍p-le̍k chīn sù-bēng, Ki-tok chheng-liân hó pêng-iú, Tâng-sim hia̍p-le̍k chīn sù-bēng . |
3.天頂日光月明、地面花紅草綠， 上帝特別施恩典，hō͘咱kap伊同模型， 遍地江山父基業，全部交帶咱經營， Beh做工，ài體力；走天路，著勇猛， 基督青年好朋友，同心協力盡使命， 基督青年好朋友，同心協力盡使命。 |
|
(Tâi-oân Kàu-hōe-pò tē 552 koàn, 1931 nî 3 ge̍h)
|
（台灣教會報第552卷，1931年3月） |
