Sèng ê Sìn-gióng
|
聖ê信仰 |
|---|---|
| Phian-chip-sek | 編輯室 |
|
Sèng ê Sìn-gióng
|
聖ê信仰 |
|
1. Tùi Chú lâu hoeh, góa tit lī-ek, Kiám ē án-ni? góa bô tō-tek. I thè góa sí, siáⁿ lâng kah I ? Sím-mi̍h lâng pek I thè góa sí ? Góa ê Siōng-tè goān thè góa sí . Cháiⁿ-iūⁿ án-ni ? thiàⁿ-thàng bô pí ! Góa ê Siōng-tè goān thè góa sí . Cháiⁿ-iūⁿ án-ni ? thiàⁿ-thàng bô pí ! |
1.Tùi 主流血，我得利益， Kiám會án-ni？我無道德。 伊替我死，啥人教--伊？ 甚mi̍h人迫伊替我死？ 我ê 上帝願替我死。 怎樣án-ni？疼痛無比！ 我ê 上帝願替我死。 怎樣án-ni？疼痛無比！ |
|
2.Chin sī ò-biāu ! Put-bia̍t, ū sí ! Siáⁿ lâng chai Chú kè-e̍k sin-kî? Chú thiàⁿ chhim-tîm, thiⁿ-sài chhui-chhek, Sui-jiân chīn-la̍t, oh-tit bêng-pe̍k . Lîn-bín tōa ah !lán tio̍h kám in; Thiⁿ-sài gián-kiù, in bián koh chìn . |
2.真是奧妙！不滅，有始！ 啥人知主計e̍k新奇？ 主疼深沈，天使推測， 雖然盡力，oh tit明白。 憐憫大ah！咱著感恩； 天使研究，in 免koh進。 |
|
3.Thiⁿ-téng ông-ūi, I goān hòng-khì; In-tián bû kiông si-lo̍h tùi I. Piàⁿ-khang ka-tī, choan-choan jîn-ài; Lâu hoeh,ūi-tio̍h loán-jio̍k sè-kài. Lîn-bín tōa ah ! khóng-khoah bû pian, Góa ê Siōng-tè, bô hiâm góa chiān. |
3.天頂王位，伊願放棄； 恩典無強施落tùi 伊。 拚空家己，專專仁愛； 流血，為著軟弱世界。 憐憫大--ah！Khóng 闊無邊， 我ê 上帝，無嫌我賤。 |
|
4.Chōe kap ok-sèng pa̍k góa chin ân, Sim-sîn siū koaiⁿ, ài thoat kan-lân. Oa̍h-miā kng-sòaⁿ siā-ji̍p àm-mê, Kaⁿ-lô chiò kng, góa chiū kak-chhéⁿ, Só-liān lóng lut, sim-koaⁿ chū-iû, Peh-khí-lâi tòe chí-hó Pêng-iú . |
4.罪kap惡性縛我真ân ， 心神受關，ài 脫艱難。 活命光線射入暗暝， 監牢照光，我就覺醒， 鎖鏈攏lut，心肝自由， Peh--起-來tòe 至好朋友。 |
|
5.Góa taⁿ bián kiaⁿ tēng-chōe tîm-lûn, Iâ-so͘ só͘ ū, góa lóng ū hūn . Tiàm tī oa̍h-miā ê thâu, góa oa̍h; Chhēng Chú ê gī, chū-chāi bô chhoah, Taⁿ góa hó-táⁿ óa-kīn in-chō, Chhéng-kiû bián-liû, khò Chú kong-lô. |
5.我今免驚定罪沈淪， 耶穌所有，我攏有份。 Tiàm tī 活命ê頭，我活； 稱主ê義，自在無chhoah， 今我好膽倚近恩座， 請求冕旒，靠主功勞。 |
|
(Tâi-oân Kàu-hōe-pò tē 544 koàn, 1930 nî 7 ge̍h)
|
(台灣教會報第544卷，1930年7月) |
