Goān Chú bô pàng-sak
|
願主無放sak |
|---|---|
| Chhòa Pôe-hóe | 蔡培火 |
|
Goān Chú bô pàng-sak
|
願主無放sak |
|
1.To̍k-it chì-chun ê Siōng-tè, Lí sī goán lâng ê Thiⁿ-pē, Bān-mi̍h lóng siū Lí chhòng-chō, Bān-sū lòng kui Lí thóng-chè, Goān Chú bô pàng-sak, Tâi-oân iā sī sio̍k Lí ê, Goān Chú bô pàng-sak, Tâi-oân iā sī sio̍k Lí ê . |
1.獨一至尊ê上帝， 你是阮人ê天父， 萬物攏受你創造， 萬事攏歸你統制， 願主無放sak ， 台灣也是屬你ê ， 願主無放sak ， 台灣也是屬你ê 。 |
|
2.Gio̍k-san chiū-sī Sin-ko-soaⁿ, Thiⁿ-pē hō͘ i kàu hiah koân, Soaⁿ-téng thiⁿ-kng hiah-n̍i̍h chá, Soaⁿ-ē m̄-thang hō͘ chiah bān, Goān Chú bô pàng-sak, Iōng Lí ê kng lâi chiò goán, Goān Chú bô pàng-sak, Iōng Lí ê kng lâi chiò goán . |
2.玉山就是新高山， 天父hō͘ 伊到hiah 懸， 山頂天光hiah-n̍i̍h早， 山下m̄-thang hō͘ chiah 慢， 願主無放sak ， 用你ê 光來照阮， 願主無放sak ， 用你ê 光來照阮。 |
|
3.Chheng-chheng hō͘-chúi tùi thiⁿ lo̍h, Lô-chúi khe-lâu chin-chiàⁿ lô, Pē só͘ siúⁿ-sù pún chheng-khì, Tùi goán ê chōe piàn m̄-hó, Goān Chú bô pàng-sak, Siúⁿ-sù khùi-la̍t thang kái-kò, Goān Chú bô pàng-sak, Siúⁿ-sù khùi-la̍t thang kái-kò. |
3.清清雨水tùi 天落， 濁水溪流真正濁， 父所賞賜本清氣， Tùi 阮ê罪變m̄ 好， 願主無放sak ， 賞賜氣力thang 改過， 願主無放sak ， 賞賜氣力thang 改過。 |
|
4.A-tong hoān chōe tī Lo̍k-hn̂g, Sè-kan tùi hia chiū bô kng, Goán nā iáu beh tòe i khì, Chōe ê kè-chîⁿ tio̍h tam-tng, Goān Chú bô pàng-sak, Kiò goán kóaⁿ-kín oa̍t tò-tńg, Goān Chú bô pàng-sak, Kiò goán kóaⁿ-kín oa̍t tò-tńg . |
4.亞當犯罪tī 樂園， 世間tùi hia 就無光， 阮若iáu beh tòe 伊去， 罪ê價錢著擔當， 願主無放sak ， 叫阮趕緊越倒轉， 願主無放sak ， 叫阮趕緊越倒轉。 |
|
5.Sèng-kiáⁿ lâ-so͘ thè goán sí, Bān-poaⁿ chōe-ok lóng siau-tî, Tāi-ke m̄-bián koh khó͘-náu, Thian-tông mn̂g lō͘ í-keng khui, Chú bô pàng-sak goán, Hō͘ goán hó-táⁿ chìn ji̍p-khì, Chú bô pàng-sak goán, Hō͘ goán hó-táⁿ chìn ji̍p-khì . |
5.聖子耶穌替阮死， 萬般罪惡攏消除， 逐家m̄ 免koh苦惱， 天堂門路已經開， 主無放sak 阮， Hō͘阮好膽進--入-去， 主無放sak 阮， Hō͘阮好膽進--入-去。 |
|
6.Taⁿ goán tâng-sim khiā tī chia, Pek-chhiat khún-kiû chōe tit sià, Pē nā ài goán chò hiàn-chè, Ū Chú chhōa goán goán kám-siā, Chú bô pàng-sak goán, Chí goān Tâi-oân chò Sèng-siâⁿ, Chú bô pàng-sak goán, Chí goān Tâi-oân chò Sèng-siâⁿ. |
6.今阮同心企tī chia ， 迫切懇求罪得赦， 父若ài阮做獻祭， 有主chhōa 阮阮感謝， 主無放sak 阮， 只願台灣做聖城， 主無放sak 阮， 只願台灣做聖城。 |
|
(Tâi-oân Kàu-hōe-pò tē 539 koàn, 1930 nî 2 ge̍h)
|
(台灣教會報第539卷，1930年2月) |
