Kî-īⁿ ê Phô-tō-chhiū
|
奇異ê 葡萄樹 |
| Liâm Tek-lia̍t |
廉德烈 |
|
Lī Eng-kok ê kiaⁿ-siâⁿ Lûn-tun sip3 hò͘-lō͘ ū chi̍t keng ông-kiong (HamptonCo͘rt Palace). Hit keng khí í-keng sì-pah gōa nî kú. (Hiān-kim kok-ông khiok bô tòa tī-hia).
|
離英國ê 京城倫敦四舖路有一間王宮（Hampton Co͘rt Palace），hit間起已經400外年久（現今國王卻無tòa tī hia）。 |
|
Tī hit lāi-bīn ū chèng phô-tô-chhiū; in-ūi thiⁿ-khì léng ê iân-kò͘, bô chèng tig7oa-bīn; sī khí po-lê-chhù, lâi chai tī hit lāi-té.
|
Tī hit內面有種葡萄樹，因為天氣冷ê 緣故，無種tī 外面，是起玻璃厝，來栽tī hit內底。 |
|
Tī 1768 nî, kàu-taⁿ í-keng 159 nî chiok, tī hit-hō po-lê-chhù ū chai chi̍t-châng phû-tô, hiān-kim iáu oa̍h-teh, koh chin gâu siⁿ, bat ū chi̍t-nî siⁿ óa 2200 pha, chon2-sī ta̍k-nî ū san-khí-lâi, chí-ū lâu 500 gōa pha nā-tiāⁿ, múi-pha chhìⁿ tāng ū chi̍t-kin chì nn̄g-kin, koh bōe chin hó-kè; lêng-seng bōe chi̍t-kin ū saⁿ-kho͘ saⁿ-kak, só͘-í chi̍t-châng múi-nî chhut-sek chha-put-to 1500 kho͘.
|
Tī 1768年，到今已經159年足，tī hit號玻璃厝有栽一欉葡萄，現今猶活--teh， koh 真gâu 生，bat有一年生倚2200葩，總是逐年有刪--起來，只有留500外葩nā-tiāⁿ，每葩秤重有一斤至2斤， koh 賣真好價；零星賣一斤有3箍3角，所以一欉每年出色差不多1500箍。 |
|
M̄-nā án-ni-seⁿ. Lâng khì khòaⁿ, iāu chîⁿ thang thàn. Ta̍k-nî peh-sìⁿ chin-chē tùi sì-hng kok-kok lâi khòaⁿ chit châng koh-iūⁿ ê chhiu. Ji̍p-mn̂g kok lâng tio̍h bé chi̍t tiuⁿ 4 chiam chîⁿ (onepeⁿy) ê ji̍p-tiûⁿ-kǹg. Kū-nî óa 28 banl7ang khì khòaⁿ; só͘ siu ê chîⁿ sī óa chi̍t bān nn̄g chheng kho͘. Kóe-chí teh-beh se̍k ê sî-chūn, chiū ná lāu-jia̍t. Kin-nî sin-le̍k 8 goe̍h-kan ū 7,2000 lâng khì khòaⁿ;só͘ siu ê chîⁿ ū saⁿ-chheng gōa kho͘. Sèng-keng siông-siông bat kóng-khip2 hô-tô-chhiū ê tāi-chì. Iâ-so͘ kóng i sī chin ê phô-tô-chhiū, I ê ha̍k-seng chiū-sī ki; koh hiah ê ki, “kìⁿ-nā kiat kóe-chí ê, I chiū siu hō͘ i chheng-khì, hō͘ I kiat kóe-chí koh-khah chē” (Iok-hān15 chiuⁿ).
|
M̄-nā án-ni生，人去看，也有錢thang 趁，逐年百姓真濟對四方各國來看這欉koh樣ê 樹，入門各人著買一張4 chiam 錢（1 peⁿy）ê 入場券，舊年倚28萬人去看，所收ê 錢是倚12000箍，果子teh-beh 熟ê 時陣就愈鬧熱。今年新曆8月間，72000人去看，所收ê 錢有3000外箍。 聖經常常bat講起葡萄樹ê 事誌，耶穌講伊是真ê 葡萄樹，伊ê 學生就是枝， koh hiah-ê 枝，「見若結果子ê ，伊就收hō͘伊清氣，hō͘伊結果子 koh tī 濟 （約翰十五章）。 |
|
(Tâi-oân-kàu-hōe-pò tē 503 koàn, 1927 nî 2 goe̍h)
|
(台灣教會報第503券，1927年2月) |
