Sòng-pia̍t-hōe
|
送別會 |
|---|---|
| Lîm Iàn-sîn | 林燕臣 |
|
Sòng-pia̍t-hōe
|
送別會 |
|
Tī 1925 āu Chhun-kùi Tiong-hōe ê sî ,ū phài Ko Kim-seng Bo̍k-su kap phí-jîn siat-hoat kā Pa Phok-sū sòng-pia̍t ; só͘-it2? kin-nî 1 goe̍h 1 ji̍t ngó-āu 6 tiám , tī Sîn-ha̍k-hāu káng-tn̂g chò tiûⁿ- só͘ , ū Khui iân-sia̍h , chhiáⁿ cha̍p-gōa lâng chò-phōaⁿ . Tiong-kan iā ū chò tām-po̍h û-hèng , chhin-chhiūⁿ chhut teng-chhai ,chò͘ Hàn-ga̍k , hō tāi-ke saⁿ-kap hoaⁿ-hí . Phí-jîn koh chò chi̍t-chhiú sòng-piat si , ûn-ûn .
|
Tī 1925後春季中會ê時，有派高金生牧師佮鄙人設法kā 巴牧師送別，所以tī今年一月一日午後6點，tī神學校講堂做場所，有開筵席，請10外人做伴，中間也有做淡薄餘興，親像出燈猜，做漢樂，hō͘逐家相佮歡喜，鄙人koh做一手送別詩，云云。 |
|
1. Sian-siⁿ hōng-chhe lī kò-thó͘ Kòe-lâi Tâi-oân siū kan-khó, Pò-tō hō͘ lâng bô hoaⁿ-hí, Phoah chho͘ seng-khu, chin chhàu-bī. |
1.先生奉差離故土， 過來台灣受艱苦， 佈道hō͘人無歡喜， 潑chho͘身軀，真臭味。 |
|
2. Sian-siⁿ bô lia̍h-chò chin kî , Ūi Chú lêng-jio̍k sī hok-khì ; In-ūi peh-sìⁿ sim chin chhián , Ài o̍h Kiù-chú lâi sià-bián. |
2. 先生無掠做真奇， 為主凌辱是福氣， 因為百姓心真淺， Ài學救主來赦免。 |
|
3. Thoân kàu kà-o̍h keng-kòe kú , Gō-cha̍p it nî chiâⁿ le̍k-sú . Tú-tio̍h hu-jîn chá kòe-sì , Toaⁿ-sin chò kang bô sit-chì. |
3. 傳教教學經過久， 51年誠歷史， 抵著夫人早過世， 單身做工無失志。 |
|
4. Chhit-cha̍p-peh hòe chheng ló-ong , Kùi-thé iû-goân sī kiān-khong , Tì-hūi chhiong-chiok chin cheng-eng , Thang kap Ka-le̍k sio pí-phēng. |
4. 78歲稱老翁， 貴體猶原是健康， 智慧充足真精英， Thang佮Ka-le̍k相比並。 |
|
5. Chit-pang jīm-kî í-keng kàu , Tò-khì Eng-kok tī in tau , Kî-kiû Siōng-chú saⁿ hû-chō͘ , Goān pêng-an keng-kòe chúi-lō. |
5. 這pang 任期已經到， 倒去英國tī in 兜， 祈求上主相扶助， 願平安經過水路。 |
|
6. Hioh-khùn an-jiân chi̍t-nî kú , Tio̍h lâi Hok-kiàn koh bôa-bú , Hoān-e̍k Kū-iok ê Sèng-keng , Lī-ek sìn-tô͘ káng bān-chheng. |
6. 歇睏安然一年久， 著來福建koh磨bú ， 翻譯舊約ê聖經， 利益信徒講萬千。 |
|
(Tâi-oân Kàu-hōe-pò Tē 491 hō, 1926 nî 2 ge̍h)
|
(台灣教會報第491號，1926年2月) |
