Sin-chheh Chhut-pán
|
新冊出版 |
| Phian-chip-sek |
編輯室 |
|
Chit pún sī Chhòa Pôe-hóe Sian-siⁿ sin tù ê chheh, ēng Lô-má-jī lâi ìn. Chiong i pêng-sî ài kap tông-pau tâm-l5, kéng khah tiōng-iàu ê cha̍p-hāng. Hit tiong-kan lóng hun sì, gō͘ tiâu siông-sè ê bo̍k-lio̍k, lâi chhián-bêng hit ê lí-khì. Kù-kù to sī tùi i ê sim-lāi thò͘-lō͘ chhutul3ai, ē-thang kiò-chhéⁿ lán ê cheng-sîn. Só͘ kóng ê ōe sī chin pêⁿ-pāng, só͘ lūn ê sū iā-sī lán múi-ji̍t pêng-siông só͘ ch5. Lōe-iông chhiong-chiok, châi-liāu hong-hù. Nā tha̍k-tio̍h chit pún chheh, bô koh-iūⁿ chhin-chhiūⁿ tng-bīn siū i ê chí-kàu, si̍t-chāi sī khui-khé tì-sek, pôe-iúⁿ tō-tek ê hó chheh lah!
|
這本是蔡培火先生新著ê冊，用羅馬字來印。將伊平時ài佮同胞談論，揀較重要ê十項。Hit中間攏分4、5條詳細ê目錄，來淺明hit ê理氣。句句都是tùi伊ê心內透露出--來，會thang叫醒咱ê精神。所講ê話是真pêⁿ-pāng ，所論ê事也是咱每日平常所做。內容充足，材料豐富。若讀著這本冊，無各樣親像當面受伊ê指教，實在是開啟智識，培養道德ê好冊--lah！ |
|
Chit pún chheh í-keng ìn-hó teh kap, sī sù-lio̍k pán, chi̍t-pah la̍k-cha̍p gōa bīn, la̍k-bān la̍k-chheng gōa jī. Tī chit goe̍h-pòaⁿ beh hoat-hêng; múi-pún la̍k-kak gîn, iû-hùi sì-chiam. Nā bé chiūⁿ cha̍p-pún, iû-hùi m̄-bián; ia̍h ha̍k-seng liân-ha̍p bé 30 pún í-siōng, beh sǹg kiám nn̄g-koah.
|
這本冊已經印好teh佮，是四六版，160外面，66000外字。tī這月半beh發行；每本6角銀，郵費四chiam。若買上10本，郵費m̄免；亦學生聯合買30本以上，beh算減兩割。 |
|
Hoat-hêng-só͘ sī Chhòa Pôe-hóe Sian-siⁿ in tau, chiū-sī Tâi-lâm-chhī Káng-teng, It-teng-bo̍k, 19 hoan-tē. 臺南市港町一丁目十九番地蔡培火 Goán Tâi-lâm Sin-lâu Chheh-pâng iā ū thè i bē.
|
發行所是蔡培火先生in兜，就是台南市港町，一丁目，19番地。臺南市港町一丁目十九番地蔡培火，阮台南新樓冊房也有替伊賣。 |
|
(Tâi-oân Kàu-hōe-pò tē 486 koàn,1925 nî 9 ge̍h)
|
(台灣教會報第486卷，1925年9月) |
