Lâi chiū-kūn Iâ-so͘
|
來就近耶穌--養心神詩_29 |
|---|---|
| Pa Khek-lé | 巴克禮 |
|
1 Góa chōe ke̍k tāng, bōe tit the-sî, Chiàu thiⁿ lu̍t-hoat éng-oán tio̍h sí; Chai bô hoat-tō͘ thang kiù ka-kī, Iâ-so͘ góa lâi chiū lí. |
1.我罪極重，bōe得推辭， 照天律法永遠著死； 知無法度thang救家己， 耶穌我來就你。 |
|
2 Góa chōe ke̍k tāng, móa sim kiaⁿ-lâng, Ka-kī lâi sóe, thoa bôa khang-khang; Chú lâu pó-hui̍h sóe lán chheng-khì, Iâ-so͘ góa lâi chiū lí. |
2.我罪極重，滿心驚人， 家己來洗，拖磨空空； 主流寶血洗咱清氣， 耶穌我來就你。 |
|
3 Góa chōe ke̍k tāng, sim-lāi phòa-pīⁿ, Chhin-chhiūⁿ thái-ko piàn-sūi chhiⁿ-mî; Lêng-hûn pīⁿ-chèng Chú ōe i-tī, Iâ-so͘ góa lâi chiū lí. |
3.我罪極重，心內破病， 親像thái-ko半遂青瞑； 靈魂病症主會醫治， 耶穌我來就你。 |
|
4 Góa chōe ke̍k tāng, pún sio̍k Sat-tàn, Chòe i lô͘-po̍k sīm-sī khó͘-lān, Chú ōe kiù góa, hō͘ góa thoat-lī, Iâ-so͘ góa lâi chiū lí. |
4.我罪極重，本屬撒旦， 做伊奴僕甚是苦難， 主會救我，hō͘我脫離， 耶穌我來就你。 |
|
5 Góa chōe ke̍k tāng, Chú un ke̍k tōa, Chiap-la̍p chōe-jîn, sià lán chē-kòa; Thiaⁿ Chú bēng-lēng tio̍h sìn bô gî, Iâ-so͘ góa lâi chiū lí. |
5.我罪極重，主恩極大， 接納罪人，赦咱罪過； 聽主命令著信無疑， 耶穌我來就你。 |
|
6 Góa chōe ke̍k tāng, Chú un ke̍k chhim, Siúⁿ-sù Sèng-sîn kám-hòa góa sim; Chêng-goān kui Chú bô koh saⁿ-lī, Iâ-so͘ góa lâi chiū lí. |
6.我罪極重，主恩極深， 賞賜聖神感化我心； 情願歸主無koh相離， 耶穌我來就你。 |
