Khún-kiû Sèng-sîn
|
懇求聖神--養心神詩_39 |
|---|---|
| Pa Khek-lé | 巴克禮 |
|
1 Khó-sioh góa sim o͘-àm, Gū-tio̍h Mô͘-kúi bê-he̍k, Lī-khui thian-tông lō͘-chām, Hiám-hiám kiâⁿ-kàu tē-ge̍k; Khún-kiû Sèng-sîn tùi thiⁿ kàng-lîm, Ēng Chú hok-im lâi-chiò góa sim. |
1.可惜我心烏暗， 遇著魔鬼迷惑， 離開天堂路站， 險險行到地獄； 懇求聖神tùi天降臨， 用主福音來照我心。 |
|
2 Khó-sioh góa sim ù-òe, Hoat-khí phian-su chhit-chêng, Chhut-sì í-lâi hoān-chōe, Boa̍t-ji̍t tio̍h siū tāng-hêng: Khún-kiû Sèng-sîn tùi thiⁿ kàng-lîm, Ēng Chú pó-hui̍h lâi sóe góa sim. |
2.可惜我心污穢， 發起偏私七情， 出世以來犯罪， 末日著受重刑： 懇求聖神tùi天降臨， 用主寶血來洗我心。 |
|
3 Khó-sioh góa sim m̄-chheng, Ū pīⁿ ū sí khoah-gāi, Koh ū pháiⁿ-lâng chhiòng-hêng, It-hoat thó͘-khùi sim-lāi; Khún-kiû Sèng-sîn tùi thiⁿ kàng-lîm, Ēng Chú pêng-an lâi khui góa sim. |
3.可惜我心m̄清， 有病有死掛礙， Koh有歹人縱行， 一發吐氣心內； 懇求聖神tùi天降臨， 用主平安來開我心。 |
|
4 Khó-sioh góa siìm loán-jio̍k, Kiâⁿ-hó lóng bô chiâu-pī, Kèng-ài Siōng-tè bē-chiok, Sè-kan sū-chêng tì-ì; Khún-kiû Sèng-sîn tùi thiⁿ kàng-lîm, Ēng Chú oân-choân lâi chiâⁿ góa sim. |
4.可惜我心軟弱， 行好攏無齊備， 敬愛上帝未足， 世間事情致意； 懇求聖神tùi天降臨， 用主完全來成我心。 |
