Ka-têng Cho̍k-phó͘
|
家庭族譜 |
| N̂g Sū-bēng |
黃俟命 |
|
Lán nā ji̍p bô thiaⁿ tō-lí ê lâng ê ke, chiū liâm-piⁿ ē khòaⁿ-kìⁿ in ê thiaⁿ-tn̂g ū chē-chē bo̍k-chú. Siá in ê chó͘-kong pē-bó ê miâ, kap kán-kán ê lâi-lek sè-hē. Khó-sioh in tùi-tiōng kòe-thâu, sòa ēng chiah-ê lâi kūi-pài kèng-hōng. Ui-tio̍h án-ni chiū sìn Chú ê lâng ū tû-khì. In-ūi lán ê Sèng-kàu ū kà-sī lâng m̄-thang chò siōng kūi-pài. Chóng-sī lán kan-ta lóng tû-khì, chó͘-kong pē-bó ê lâi-le̍k sè-hē lán lóng m̄-chai, iā bô tè thang chhâ-khó, án-ni iā sī bô tú-hó. Kīn-lâi ū lâng hip sī-tōa lâng ê siōng lâi chò kì-liām; m̄-kú chē-chē bô lī-piān thang hip-siōng. Koh nā kan-ta siōng, bô lio̍h-á kì-chài i ê lâi-le̍k, sè-hē, kòe nn̄g saⁿ tāi iā sī lóng m̄-chai.
|
咱若入無聽道理ê 人ê 家，就liâm-piⁿ會看見in ê 廳堂有濟濟木主，寫in 祖公父母ê 名，佮簡簡ê 來歷世系。可惜in 對重過頭，續用chiah-ê 來跪拜敬奉，為著án-ni就信主ê 人有除去。因為咱ê 聖教有教示人m̄-thang做像跪拜，總是咱kan-ta攏除去，祖公父母ê來歷世系咱攏m̄ 知，也無地thang 查考，án-ni也是無抵好。近來有人翕序大人ê 相來做紀念；m̄-kú濟濟無利便thang 翕相。 Koh 若kan-ta相，無略仔記載伊ê 來歷、世系，過兩三代也是攏m̄ 知。 |
|
Tī kúi-nā nî chêng ū chi̍t lâng miâ kiò Ông kim-lêng, i ū chiong góa so͘teh2 pī-pān ê thé-sek khì ìn. Chò-liáu khiok hó-khòaⁿ koh ha̍p-ēng. Khó-siohi siūⁿ ài tùi chit pún phō͘ lâi thàn chîⁿ,sòa bô sím-mi̍h lâng kā i bé. Put-hēng chit lâng bô lōa-kú chiū sí-khì. Taⁿ inū chiong chiah ê phō͘ lâi bē lán Tiong-o̍h Hāu-iú-hōe. Hāu-iú-hōe chú-tiuⁿ ài hō͘ tāi-ke khah khoài bé, só͘-í chi̍t pún tēng kè-chîⁿ 4 kak. (Iû-hùi chāi-gōa, nā khah chē lâng bé chò-hóe kià, chiū hit ê só͘-hùi ē jú séng). Si̍t-chāi chin sio̍k, koh sī lán lâng-lâng só͘ tio̍h khiàm-ēng ê mi̍h. Taⁿ nā ū lâng ài bé thang tùi lín pún-tông ê thoân-tō sian-siⁿ kóng, á-sī lín ha̍p chò-hóe siá phoelâi hō͘ Tâi-lâm Jîn-êng Io̍h-pâng, N̂g Jîn-êng kun, i chiū ē kā lí kià khì.Nā beh kià chîⁿ lâi hō͘ N̂g Sian-siⁿ, tio̍h tùi Iû-piān-kio̍k kià Chín-thè. Chín-thè ê hō chiū-sī (臺灣第三六壹番黃仁榮) M̄-thang kià Ûi-thè (為替)in-ūi ū khah siong-tiōng só͘-hùi.
|
Tī 幾若年前有一人名叫王金龍，伊有將我所 teh備辦ê 體式去印，做了卻好看 koh 合用，可惜伊想愛對這本簿來趁錢，煞無甚物人kā 伊買。不幸這人無偌久就死去。今in 有將chiah-ê 簿來賣咱中學校友會，校友會主張愛hō͘逐家較快買，所以一本定價錢 4角（郵費在外，若較濟人買做夥寄，就 hit個所費會愈省），實在真俗， koh 是咱人人所著欠用ê 物，今若有人愛買thang 對lín本堂ê 傳道先生講，抑是lín佮做夥寫批來hō͘台南仁榮藥房，黃仁榮君，伊就會kā 你寄去。若beh 寄錢來hō͘黃先生，著對郵便局寄振替，振替ê 號就是（臺灣第361番黃仁榮），m̄-thang寄為替，因為有較傷重所費。 |
|
Nā ū lâng ài hit hō khah chē ia̍h-ê iā ū. Ū teh pī-pān hit hō pí pêng-siông saⁿ pōe chē-ê, koh-chài têng kap pò͘-phôe khah kian-kò͘ -- ê; chit khaon2 ê chi̍t pún kho͘-peh. Kiám-chhái ū lâng bē hiáu ka-tī chhau-siá, iā tì-ì tio̍h chhiáⁿ lâng kā i chhau. In-ūi nā bô kín-kín chò, kiaⁿ-liáu bô lōa-kú lán sui-lâng ê sè-hē, sī-tōa-lâng ê sū, sòa long bē kì-tit liáu-liáu, che sī lán sui lâng chi̍t hāng iàu-kín ê sū. Iā thang that-ba̍t gōa-bīn lâng chit hāng ê ki-chhì.
|
若有人愛hit 號較濟頁ê 亦有，有 teh 備辦hit 號比平常3倍濟ê ， koh 再重合布皮較堅固--ê ，這款ê 一本箍8。Kiám-chhái 有人bē 曉家己抄寫，也致意著請人kā 伊抄。因為若無緊緊做，驚了無偌久咱隨人ê 世系，序大人ê 事，煞攏bē 記得了了，這是咱隨人一項要緊ê 事，也thang 塞密外面人這項ê 譏刺。 |
|
(Tâi-lâm-kàu-hōe-pò tē 403 koàn, 1918 nî 10 goe̍h)
|
(台南教會報第403卷，1918年10月) |
