Khit-chia̍h
|
乞食 |
| Chu Ko͘-niû |
朱姑娘 |
|
Ū chi̍t ê gōa-kok lâng tòa tī Tiong-kok. Bó͘ ji̍t ū thiaⁿ-kìⁿ phah mn̂g esiâⁿ, chhe i ê chú-chia̍h khì khòaⁿ sī sím-mi̍h lâng. Chú-chia̍h kā i kóng,Sī chi̍t ê kiû-khit ê lâng, kóng sī beh gō sí, ài kā lí thó mi̍h, góa thang hō͘ i á m̄ thang ? Thâu-ke kóng, Thang ah ! lí kin-á-ji̍t ū chò mī-pau, the̍h chi̍t pōng hō͘ i. Chú-chia̍h ìn i kóng, m̄-kú lâng chia̍h chit hō mī-pau m̄ koàn-sì, kiám-chhái m̄ chia̍h, i khah ài chia̍h pn̄g. Thâu-ke kóng, Chóng-sī góa hán-tit chia̍h pn̄g, só͘-í chit chūn put-piān bô thang hō͘ i. I nā beh gō sí chiū ún-tàng ài chia̍h mī-pau lâi chí-ki.
|
有一個外國人tòa tī 中國，某一日有聽見扑門聲，差伊ê 煮食去看是甚物人。煮食kā 伊講：「是一個求乞ê 人，講是beh 餓死，愛kā 你討物，我thang hō͘伊抑m̄ -thang?」頭家講：「Thang啊！你今仔日有做麵包，提一磅hō͘伊。」煮食應伊講：「M̄-kú人食這號麵包m̄ 慣勢，kiám-chhái m̄ 食，伊較愛食飯。」頭家講：「總是我罕得食飯，所以這陣不便，無thang hō͘伊。伊若beh 餓死就穩當愛食麵包來止饑。」 |
|
Chú-chia̍h-ê chiū the̍h chi̍t tè mī-pau hō͘ i; nā-sī hit ê khit-chia̍h kā i khòaⁿ,kā i phīⁿ-phīⁿ-leh, chiū hiat-ka̍k khì m̄ ti̍hN8, m̄ ài chia̍h chò i khì.
|
煮食ê 就提一塊麵包hō͘伊；若是 hit個乞食kā 伊看，kā 伊鼻鼻--咧，就hiat-ka̍k 去mt7…hN，m̄ 愛食做伊去。 |
|
Bîn-á-ji̍t tī gōa-kok lâng ê chhù kohū phah mn̂g ê siaⁿ. I ê chú-chia̍h khì khui, khui-liáu chiū khì kā thâu-ke kóng, ū lâng beh lâi kiû chîⁿ khì bech2…t khū koaⁿ-chhâ tâi sí-lâng.
|
明仔日tī 外國人ê 厝 koh 有扑門ê 聲，伊ê 煮食去開，開了就走去kā 頭家講：「有人beh 來求錢去買一具棺柴埋死人。」 |
|
Thâu-ke kóng, Sím-mi̍h lâng ? Kóng,M̄-chai. Ū lâng kóng tī Tang-mn̂g-gōa ū chi̍t ê lâng sí, chím-á tó tī lō͘-piⁿ, bô lâng bat i . Thâu-ke kóng, Lí khì khòaⁿ-māi chiah lâi kā góa kóng. Kóng,Hó, chiū khì. Tiap-á-kú chiū tńg-lâi hôe-hok kóng, Ū iáⁿ, lí phah-sǹg sī sím-mi̍h lâng ? Chiū-sī cha-bō͘-ji̍t lâi tī chia kiû-khit hit-ê. I hiat-ka̍k lí só͘ sàng ê mī-pau tì-kàu gō-sí !
|
頭家講：「甚物人？」講：「M̄ 知。有人講tī 東門外有一個人死，chím-á 倒tī 路邊，無人bat--伊。」頭家講：「你去看覓才來kā 我講。」講：「好。」就去。Tia̍p仔久就轉來回覆講：「有影，你扑算是甚物人？就是昨暮日來tī chia 求乞 hit個。伊hiat-ka̍k 你所送ê 麵包致到餓死。」 |
|
Taⁿ ēng chit-ê lâi chò phì-jū. Sèng-keng kóng Iâ-so͘ sī thiⁿ lo̍h-lâi ê piáⁿ;kìⁿ-nā hoaⁿ-hí sêng-siū-ê, lêng-hûn ē tit-tio̍h oa̍h bián gō sí. Lâng nā m̄ ti̍hN8 (chhin-chhiūⁿ hit ê kiû-khit ê lâng m̄ siū mī-pau) bē bián-tit i ê lêng-hûn iau-gō kàu sí-bô ê só͘-chāi.
|
今用這個來做譬喻，聖經講：「耶穌是天落來ê 餅；見若歡喜承受ê ，靈魂會得著活免餓死。人若m̄ ti̍hN8 （親像 hit個求乞ê 人m̄ 受麵包）bē 免得伊ê 靈魂枵餓到死無ê 所在。 |
|
Goān Siōng-tè hō͘ lán tāi-ke bo̍h-tit m̄ ti̍hN8 Siōng-tè ê siúⁿ-sù, pàng-sak Kiù-chú Iâ-so͘ tì-kàu tîm-lûn tī éng-oán bô thang ńg-báng ê só͘-chāi.
|
願上帝hō͘咱逐家莫得m̄ ti̍hN8 上帝ê 賞賜，放sak 救主耶穌致到沈淪tī 永遠無thang 向望ê 所在。 |
|
(Tâi-lâm-kàu-hōe-pò tē 398 koàn, 1918 nî 5 goe̍h)
|
(台南教會報第398卷，1918年5月) |
