Chè-iâm ê Ki-khì
|
製鹽ê 機器 |
| Phian-chip-sek |
編輯室 |
|
Chū chá-chêng í-lâi múi só͘-chāi teh pha̍k iâm lóng-sī chiong kiâm-chúi pha̍k- ta, khah chē-ūi sī ēng ji̍t pha̍k-ê: Chóng-- sī Eng-kok kap Bí-kok ê ji̍t bô hiah iām, chiàⁿ iōng thô͘-thòaⁿ hiâⁿ tiáⁿ lâi chú. M̄-kú hit-ê thô͘-thòaⁿ khah kùi, iâm ê kè-chîⁿ khah sio̍k, khah bô siáⁿ thàn. Kīn-lâi Eng-kok ū lâng kek-chhut chi̍t-ê ki-khì, sui-jiân iû-goân sī ēng thô͘-thòaⁿ lâi chú, m̄-kú só͘ iōng ê thô͘- thòaⁿ ke̍k séng, chi̍t-chàu ê thô͘-thòaⁿ ē chú-tit kúi-nā tiáⁿ ê iâm; pún-chîⁿ khah séng, thàn chîⁿ khah chē. Chiàu hit-pêng ê kok-hoat nā ū kek-chhut sin ki-khì ê khì pín-pò Koaⁿ-hú, Koaⁿ-hú m̄-chún pa̍t-lâng chò kap i sio-siāng ê. Pa̍t-lâng nā ài chò kap i sio-siāng, tio̍h Kóng chîⁿ hō͘ hit-ê lâng hoaⁿ-hí, chiàⁿ beh chún i chò.
|
自早前以來每所在teh曝鹽攏是將鹹水曝礁，較濟位是用日曝--ê:總--是英國kap 美國 ê 日無hiah炎，正用土炭焚鼎來煮。M̄-kú hit個土炭較貴，鹽ê 價錢較俗，較無啥趁。 近來英國有人激出一個機器，雖然猶原是用土炭來煮，m̄-kú 所用ê 土炭極省，一灶ê 土炭會煮得幾若鼎ê 鹽；本錢較省，趁錢較濟。照hit爿ê 國法若有激出新機器ê 去稟報官府，官府m̄准別人做kap伊相像ê。別人若ài做kap伊相像，著講錢hō͘ hit個人歡喜，正beh准伊做。 |
|
Chim-má ū Bí-kok chè-iâm ê hōe-siā kap hit-ê kek ki-khì ê lâng li̍p-iok, chit- ê chè-iâm ê lī-koân chí-ū hit-ê kap i li̍p- iok ê hōe-siā ē chè-chō--tit, thong Bí- kok ê lâng lóng-chóng bē chè-chō--tit, beh chiong chi̍t-chheng bān gîn kā i bé chit-ê lī-koân; chit-ê kek ki-khì ê lâng í-keng ín i. Chit-ê lâng sī lán Eng-kok Tiúⁿ-ló Kàu-hōe ê tiúⁿ-ló.
|
Chim仔有美國製鹽ê 會社kap hit個激機器ê 人立約，這個製鹽 ê 利權只有hit個kap伊立約ê 會社會製造--tit，通美國 ê人攏總bē 製造--tit，beh 將一千萬銀kā伊買這個利權；這個激機器ê 人已經允伊。這個人是咱英國長老教會 ê 長老。 |
|
(Tâi-lâm Kàu-hōe-pò tē 317 koàn, 1911 nî 8 ge̍h)
|
(台南教會報第317卷，1911年8月) |
