Tâi-lâm tiuⁿ-ló N̂g Goa̍t-tek ê Sió-toān
|
台南長老黃月德ê小傳 |
| Phian-chip-sek |
編輯室 |
|
Tâi-lâm tiuⁿ-ló N̂g Goa̍t-tek ê Sió-toān
|
台南長老黃月德ê小傳 |
|
Tâi-lâm siâⁿ N̂g Goa̍t-tek khì thiⁿ--n̍i̍h lah! Sui-jiân lâng lán bô koh khòaⁿ--tioh, chóng-sī i-ê bô͘-iūⁿ iáu tī--teh. I ū lâi thiaⁿ tō-lí, tī 1881 nî, hit-sî 38 hòe, Kam Bo̍k-su kiâⁿ sé-lí hō͘ i. Kàu 1896 nî hō͘ hiaⁿ-tī chí-mōe kéng i chò chip-sū, āu-lâi ko-seng tiúⁿ-ló. Móa-jīm, chèng-lâng lâu i, i chiū koh chīn tiúⁿ-ló ê chit kàu chi̍t-sì lâng. Kīn-lâi khí ūi-pīⁿ siong-tiōng, chiū tī se-le̍k 8 goe̍h 2 ji̍t lī-khui sè-kan, hióng-siū 65 hòe. Chit lâng bô tī--teh, sit-chāi thang hoân-ló. I chīn-tiong ho̍k-sāi kàu-hōe, kàu-hōe sit-lo̍h i-ê pang-chan. Siông-siông àm-chīⁿ pang-chō͘ sàn-hiong lâng, taⁿ hiah-ê lâng bô thang koh siū i-ê hó khoán-thāi--lah! In ke-lāi chū-jiân iā ū iu-būn. Thang hoaⁿ-hí, thang siū an-ùi--ê, chiū-sī Goa̍t-tek ū sìn-khò Iâ-so͘, taⁿ i kap Chú éng-oán khiā-khí.
|
台南城黃月德去天--裡--啦！雖然人咱無koh看著，總是伊ê模樣iáu tī--teh。伊有來聽道理，tī 1881年，hit時38歲，甘牧師行洗禮hō͘伊；到1896年hō͘兄弟姊妹揀伊做執事，後來高升長老。滿任，眾人留伊，伊就koh盡長老ê職到一世人。近來起胃病傷重，就tī西曆8月2日離開世間，享壽65歲。這人無tī--teh，實在 thang煩惱，伊盡忠服事教會，教會失落伊ê幫贊，常常暗chīⁿ 幫助散hiong人，今hiah-ê人無thang koh受伊ê好款待--啦！In家內自然iáu有憂悶，thang歡喜thang受安慰--ê,就是月德有信靠耶穌，今伊佮主永遠企起。 |
|
Kòe 3 ji̍t hiaⁿ-tī Gô͘ Ha̍p (iū miâ Ô͘-peh) iā kap sè-kan saⁿ-sî; tiàm tē-bīn-chiūⁿ 71 nî. Chia̍h a-phiàn 30 gōa nî kú, lâi thiaⁿ to-lí chiah ké-- khì. Gō͘-cha̍p peh hòe niá sé-lí, jia̍t-sim ho̍k-sāi Chú, siông siông ài kóng tō-lí hō͘ lâng thiaⁿ; pài-saⁿ ê-hng kî-tó hōe, sui-jiân pháiⁿ thiⁿ-sî , i iā m̄-bat làng. Pún-sin khiok sī sàn-hiong, chóng-sī i-ê kèng-khiân bô hō͘ sàn-hiong pa̍k--teh, ta̍k-ê an-hioh-ji̍t thiu 5 chiam hiàn hō͘ kàu-hōe. Tāi-ke tio̍h o̍h i-ê iūⁿ--ah!
|
過3日兄弟吳合（又名湖伯）也佮世間相辭，tiàm 地面上71年，食鴉片30外年久，來聽道理才改--去。58歲領洗禮，熱心服事主，常常愛講道理hō͘人聽；拜三下昏祈禱會，雖然歹天時，伊也m̄-bat làng;本身卻是散hiong，總是伊ê敬虔無hō͘ 散hiong縛--teh,逐個安歇日抽五chiam獻hō͘教會，逐家著學伊ê樣--啦！ |
