Thi̍h-chhia-lō͘
|
鐵車路 |
| Phian-chip-sek |
編輯室 |
|
Tī 5 goe̍h 15 hō Hóe-chhia-lō͘ ū khui Thàu kàu Hô͘-lô͘-tun-ke. Tùi hia kàu Pek-kong-kheⁿ tio̍h kòe Tāi-kah kap Tāi-an nn̄g tiâu khe. Hit chām tāi-iok ū nn̄g phò͘ gōa lō͘ ê hn̄g; hit chām nā chō chheng-chhó chiū tùi Táⁿ-káu kàu Ke-lâng-thâu lóng ū thi̍h-chhia-lō͘. Hit chām chō iáu-bōe hó, kú ū chō nn̄g tiâu ê Kheng-piān chhia-lō͘ chin hó-ēng.
|
Tī 5月15號火車路有開透到葫蘆敦 街。Tùi hia到百公坑著過大甲kap大安兩條溪。Hit站大約有二舖 外路ê遠；hit站若造清楚就tùi打狗到基隆頭攏有鐵車路。Hit站造iáu-bōe好，kú有造兩條ê 輕便車路真好用。 |
|
Hiān-sî tùi Tâi-lâm pak ê chá-chhia Sī 6 tiám cheng hoat, hit mê 9 tiám cheng chiū kàu Tâi-pak; án-ni Tâi-lâm kàu Tâi-pak chi̍t ji̍t chiū kàu ūi.
|
現時tùi台南北ê早車是6點鐘發，hit瞑9點鐘就到臺北；á- ni台南到臺北一日就到位。 |
|
Lâng nā beh khì Chiang-hòa, 6 tiám tùi Tâi-lâm khui, tī 11 tiám chhut 34 hun chiū kàu Chiang-hòa. Beh tò-tńg- lâi, hóe-chhia 3 tiám-pòaⁿ tùi Chiang- hòa hoat iā hit mê 9 tiám chhut 7 hun chiū kàu Tâi-lâm. Án-ni Tâi-lâm kàu Chiang-hòa lâng-kheh chi̍t ji̍t ē-tit phah óng-hôe, iā tī Chiang-hòa ū sì tiám cheng kú thang tī-hia pān tāi-chì. Chheng-kok-sî beh chò chit hō tāi-chì tio̍h 8 ji̍t kú chiū chò ē-tit chiâⁿ.
|
人若beh去彰化，6 點tùi台南開，tī 11 點出34分就到彰化。Beh倒轉--來，火車3點半tùi彰化發也hit瞑9點出7分就到台南。Án-ni台南到彰化人客一日會tit打往回，也tī 彰化有4點鐘久thang tī hia辦代誌。清國時beh做這號代誌著8日久就做會tit成。 |
|
Chiang-hòa ê pak-pêng 4 phò͘ chiū- sī Hô͘-lô͘-tun. Hô͘-lô͘-tun lī Tōa-siā pài- tn̂g nn̄g lí lō͘ nā-tiāⁿ. Nā ū lâng beh tùi Tâi-lâm kàu Hô͘-lô͘-tun, chiū-sī 24 phò͘, chi̍t ji̍t kú iû-goân thang phah óng-hôe iā tī Hô͘-lô͘-tun ū pòaⁿ tiám- cheng kú thang pān tāi-chì. Án-ni óng-hôe 48 phò͘. Chá-chêng tio̍h 10 ji̍t kú, taⁿ nā-sái chi̍t ji̍t chiū hó.
|
彰化ê北爿4舖就是葫蘆敦。葫蘆敦離大社拜堂二裏路nā tiāⁿ。若有人beh tùi台南到葫蘆敦，就是24舖，一日久猶原thang打往回也tī 葫蘆敦有半點 鐘久thang辦代誌。Án-ni 往回48 舖。早前著10日久，今若sái一日就好。 |
|
Nā beh tùi Tâi-lâm khì Ka-gī, thâu pang chhia sī chá-khí-sî 8 tiám chhut 9 hun chiū kàu Ka-gī; beh tò-tńg-lâi, tùi Ka-gī bóe pang chhia sī 6 tiám chhut 58 hun chiah hoat. Án-ni beh khì Ka-gī thang phah óng-hôe, iā tùi chá-khí 8 tiám 9 hun kàu ê-hng-sî teh- beh 7 tiám cheng thang chē hóe-chhia tò-tńg-lâi Hú-siâⁿ.
|
若beh tùi台南去嘉義，頭班車是早起時8點出9分就到嘉義；beh到轉--來，tùi嘉義尾班車是6點出58分才發。Án-ni beh去嘉義thang打往回，也tùi早起8點9分到 e昏時teh-beh 7點鐘thang坐火車倒轉--來府城。 |
|
(Tâi-oân Hú-siâⁿ Kàu-hōe-pò tē 243 koàn, 1905 nî 6 ge̍h)
|
(台灣府城教會報第243卷，1905年6月) |
