Súi-tin-tang kó͘-chui oa̍h-tāng | Súi-tin-tang古錐活動 |
---|---|
Siau Lah-ji̍h | 蕭Lah-ji̍h |
Khòaⁿ Lí tiam-tiām khiā , m̄-chai-iaⁿ Lí ū gōa súi gōa liú-lia̍h , Khòaⁿ Lí tián kang-hu , Chiah-chai Lí ū gôa-n̍i̍h-gâu ê pún-sū : Phi-chúi-bīn ,ná poe-chìⁿ ; Cho̍k lo̍h-khì chúi-té ,koh ē chhàng-chúi-bī ; 2 ki kha ,bô-sî-êng , Ná-chhiūⁿ leh thiàu pa-lê-bú hiah-n̍i̍h hoaⁿ-hí . Súi-tin-tang ,kó͘-chui kiam oa̍h-tāng . |
看你恬恬企, M̄知影你有偌súi偌liú-lia̍h, 看你展功夫, Chiah知你有gôa-n̍i̍h gâu ê本事: Phi水面,ná飛箭; Cho̍k落去水底,koh會chhàng水bī; 兩支腳,無時閒, Ná像leh跳芭蕾舞hiah-n̍i̍h歡喜。 Súi-tin-tang,古錐兼活動。 |
(Tâi-oân Kong-lūn-pò tē 2032 kî, 2004 nî 8 goe̍h chhe 3) | (台灣公論報第2032期,2004年8月3日) |