Ta-ba̍k-iām ê Tī-liâu_SARS gō͘ chi jī
|
礁目炎ê治療－SARS 五之二--母語ê心靈雞湯 |
|---|---|
| Lí Khîn-hōaⁿ | 李勤岸 |
|
I-seng chín-toān góa ê ba̍k-chiu Khiàm-khoat chè-chō ba̍k-sái ê kong-lêng I khǹg mi̍h-kiāⁿ ji̍p-khì ba̍k-chiu Hō͘ i tiam-tiam Chì-khek khòaⁿ ū hoat-tō͘ ti̍h chi̍t ti̍h bô Kiat-kó góa ê ba̍k-chiu tiam kah beh khàu Bô pòaⁿ-ti̍h ba̍k-sái |
醫生診斷我ê目珠 欠缺製造目屎ê功能 伊囥物件入去目珠 Hō͘伊tiam-tiam 刺激看有法度滴一滴無 結果我ê目珠tiam kah beh 哭 無半滴目屎 |
|
Chòe-kīn kò͘-hiong SARS e̍k-chêng thòaⁿ-khui Kò͘-hiong bô-tāi bô-chì tà ji̍p-khì o͘-hûn Pēⁿ-īⁿ hong-īⁿ Hō͘-sū kám-jiám sí-bông I-seng kám-jiám pīⁿ-gûi Chi̍t keng pēⁿ-īⁿ thoaⁿ-koe chi̍t keng |
最近故鄉SARS疫情湠開 故鄉無代無誌罩入去烏雲 病院封院 護士感染死亡 醫生感染病危 一間病院湠過一間 |
|
Tiān-sī sin-bûn Long-sī chia tio̍h hia tio̍h e khiong-hong Keh-lī ê jîn-sò͘ ta̍k-ji̍t cheng-ka Sí-sit ê jîn-sò͘ ta̍k-ji̍t to ū |
電視新聞攏是死別ê哀啼 攏是chia tio̍h hia tio̍h ê 恐慌 隔離ê人數逐日增加 死失ê人數逐to有 |
|
Góa ê ba̍k-sái ùi sin-bûn chú-pò Chheng-siù ê bīn lâu--chhut-lâi Lâu kah ba̍k-kiàⁿ chiâu bū Lâu kah tiān-sī ōe-bīn chhî-chhî Lâu kah sin-bûn chú-pò |
我ê目屎ùi新聞主播 清秀ê面流出來 流kah目鏡齊霧 流kah電視畫面chhî-chhî 流kah新聞ê聲變àng |
|
Chheng-chhui e siaⁿ pian ang Nâ-âu-kńg tīⁿ--khí-lâi Hô-pêng pēⁿ-īⁿ hong-īⁿ 14-kang Ta̍k-ji̍t góa tī tiān-sī-ki thâu-chêng |
嚨喉管tīⁿ起來 和平病院封院14工 逐工我tī電視機頭前 做礁目炎ê物理治療 |
