![]() |
二隻老鼠仔se̍h一liàn--大人囡仔詩 |
---|---|
Lí Khîn-hōaⁿ | 李勤岸 |
![]() Seⁿ-chò tiⁿ-tiⁿ ê ha̍k-seng Kā i ê kám-siā hòa-chò Chi̍t-ê chiok sè ê lé-ap-á Sàng hō͘ góa |
一個kap阮查某子共iân 生做甜甜ê 學生 kā 伊ê 感謝化做 一個足細ê 禮盒仔 送hō͘ 我 |
![]() Khòaⁿ-tio̍h nn̄g-tè cho-kho-liat-toh Nn̄g-chiah chiok kkó-ài ê niáu-chhú-á Chi̍t-chiah gû-lin-sek--ê Chi̍t-chiah chhim âng-sek--ê Oa~ah! ū kàu tiⁿ ê hêng |
我tháu開高貴ê 包裝帶仔 看著兩塊 “chocolate” 兩隻足可愛ê 老鼠仔 一隻牛奶色ê 一隻深紅色ê Oa~ah!有夠甜ê 形 |
![]() The̍h tńg-khì sàng hō͘ goán bó͘ chia̍h Goán bó͘ phah-khui iù-siù e pau-chong ap-á Khòaⁿ-tio̍h chi̍t-tùi chiok kó͘-chui ê niáu-chhú-á Oa~ah! ū kàu tiⁿ ê hêng |
我m̄ 甘食 提轉去送阮某食 阮某拍開幼秀ê 包裝盒仔 看著一對足古錐ê老鼠仔 Oa~ah! 有夠甜 ê 形 |
![]() Peng leh beh lâu hō͘ khì hn̄g-tē tha̍k-chheh ê cha-bó͘-kiáⁿ chia̍h Goán cha-bó͘-kiáⁿ the̍h-tio̍h peng-peng súi-súi ê ap-á Khòaⁿ-tio̍h chi̍t-tùi khó-ài koh kó͘-chui ê niáu-chhú-á Oa~ah! ū kàu tiⁿ ê hêng |
伊m̄ 甘食 冰leh beh 留hō͘ 去遠地讀冊ê 查某子食 阮查某子提著冰冰súi-súi ê 盒仔 看著一對可愛koh 古錐ê 老鼠仔 Oa-ah! 有夠甜ê 形 |
![]() Beh sàng hō͘ chiok siàu-liām ê pa-pa chia̍h Góa m̄-kam chia̍h Chi̍t-tùi chiah-n̍i̍h tiⁿ ê niáu-chhú-á Góa kā in khǹg ji̍p-khì chng seng-chek-toaⁿ ê sìn-hong Kià khì hō͘ góa hit-ê ha̍k-seng Chia̍h tiⁿ-tiⁿ |
伊m̄ 甘食 Beh 送hō͘ 足數念ê 爸爸食 我m̄ 甘食 一對chiah-n̍i̍h 甜ê 老鼠仔 我kā in囥入去裝成績單ê 信封 寄去hō͘ 我hit個學生 食甜甜 |