Lâng ū Siang-bīn
|
人有雙面--大人囡仔詩 |
|---|---|
| Lí Khîn-hōaⁿ | 李勤岸 |
|
Hō͘ lí khòaⁿ góa ê bīn chhiò-hai-hai M̄ hō͘ lí khoaⁿ góa ê bīn lâu ba̍k-sái Hō͘ lí khòaⁿ góa ê bīn pe̍h ná siù-châi M̄ hō͘ lí khòaⁿ góa ê bīn o͘ koh pháiⁿ |
Hō͘ 你看我ê 面笑hai-hai； M̄ hō͘ 你看我ê 面流目屎 Hō͘ 你看我ê面白若秀才； M̄ hō͘ 你看我ê 面烏 koh 歹 |
|
Hō͘ lí khòaⁿ góa ê chiàⁿ-bīn chiok kong-chhái M̄ hō͘ lí khòaⁿ góa ê pōe-bīn chin àu-sái Hō͘ lí khòaⁿ góa ê chêng-bīn thài-pêng-tāi M̄ hó͘ lí khòaⁿ góa ê āu-bīn chò hong-thai |
Hō͘ 你看我ê 正面足光彩； M̄ hō͘ 你看我ê 背面真àu屎 Hō͘ 你看我ê 前面太平代； M̄ hō͘ 你看我ê 後面做風颱 |
|
Hō͘ lí khòaⁿ góa ê téng-bīn kek m̄-chai M̄ hō͘ lí khoaⁿ góa ê lāi-bīn phi̍h8-pho̍k-chhái M̄ hō͘ lí khòaⁿ góa ê to-bīn ē kâng thâi Hō͘ lí khòaⁿ góa ê to-bīn hó chhiat-chhài To ū nn̄g bīn lí kám m̄-chai? |
Hō͘ 你看我ê 頂面kek m̄ 知； M̄ hō͘ 你看我ê 內面phi̍h8噗chhái M̄ hō͘ 你看我ê 刀面會kâng thâi; Hō͘ 你看我ê 刀面好切菜 刀有兩面你kám m̄ 知？ |
