Kái Ki-phiò_SARS gō͘ chi saⁿ
|
改機票－SARS五之三--母語ê心靈雞湯 |
|---|---|
| Lí Khîn-hōaⁿ | 李勤岸 |
|
Kin-á-jit chit-chūn góa èng-kai tī ki-tiûⁿ Èng-kai teh thong-koan Èng-kai teh tán chi̍t pan Se-pak7 747 Poe óng Tâi-oân ê hui-ki |
今仔日這陣我應該tī機場 應該teh通關 應該teh等一班西北747 飛往台灣ê飛行機 |
|
Kiat-kó, góa iáu chē tī chia siá si Beh chē góa ê si Chi̍t pan su-liām kò͘-hiong ê phùn-siā-ki Poe tńg-khì Tâi-oân |
結果，我iáu坐tī chia寫詩 Beh坐我ê詩 一班思念故鄉ê噴射機 飛轉去台灣 |
|
SARS í-keng kā góa ê ho͘-khip-tō Chhòng kah chin bô sūn-lī Kā góa khò suh chó͘-kok iông-khì seng-chûn ê Chit-ê ho͘-khip-tō Tòng--khí-lâi Beh kā góa chham kò͘-hiong keh-kī Hō͘ góa ê hì-hio̍h lian--khì |
SARS已經kā我ê呼吸道 Chhòng kah 真無順利 Kā我靠suh祖國氧氣生存ê 這個呼吸道 擋--起來 Beh kā我chham故鄉隔離 Hō͘我ê肺葉lian--去 |
|
Ū-kàu iau-siū ê Tiong-kok pēⁿ-to̍k Bi-kok chèng-hú thò-hia̍p tī Tiong-kok pēⁿ-to̍k ê khióng-hat Hi-bōng góa mài chhut-ji̍p Tâi-oân Mài chhut-ji̍p SARS chiàn-cheng tiong ê Tâi-oân Mài chhut-ji̍p Tiong-kok pēⁿ-to̍k kong-táⁿ ê Tâi-oân |
有夠夭壽ê中國病毒 美國政妥協tī中國病毒ê恐嚇 希望我mài出入台灣 Mài出入SARS戰爭中ê台灣 Mài出入中國病毒攻打ê台灣 |
|
Hâng-khong kong-si kóng ki-phiò ē-tàng iân-kî In-ūi sī chiàn-cheng bô beh hoa̍t-chîⁿ Ē-tàng it-ti̍t iân--lo̍h-khì Iân kàu chiàn-cheng kiat-sok chiah tńg-khì |
航空公司講機票會當延期 因為是戰爭無beh 罰錢 會當一直延--落去 延到戰爭結東才轉去 |
|
Chó͘-kok teh chiàn-cheng Chó͘-kok pī Tiong-kok pēⁿ-to̍k ji̍p-chhim Tông-pau tī chiàn-cheng ê khó͘-hái tiong Góa tán leh tio̍h khà tiān-ōe |
祖國teh 戰爭 祖國被中國病毒入侵 同胞tī戰爭ê苦海中 我等leh tio̍h khà電話 |
|
Kā ki-phiò kài-chò tan-thêng Ti̍t-ti̍t chi̍t chōa poe tńg-khì Tâi-oân Poe tńg-khì Tâi-oân chham-chiàn Bô-koán ū khó-lêng sī sím-mi̍h goân-in Chit-tiuⁿ ki-phiò Bô beh koh poe tńg-lâi Bi-kok. |
Kā機票改做單程 直直一chōa轉去台灣 飛轉去台灣參戰 無管有可能是甚mi̍h原因 這張機張 無beh koh飛轉來美國 |
