Hùn-nō͘
|
憤怒--咱攏是罪人 |
|---|---|
| Lí Khîn-hōaⁿ | 李勤岸 |
|
Ū sî-chūn Hùn-nō͘ sī chi̍t pû chhâ-in Tâm-tâm ê chi̍t pû chhâ-in Án-chóaⁿ iah án-chóaⁿ póe Kan-taⁿ puh hun Ah! Puh hun ê chi̍t pû chhâ-in |
有時陣 憤怒是一pû 柴in Tâm-tâm ê 一pû 柴in Án-chóaⁿ iah án-chóaⁿ póe Kan-taⁿ puh 燻 A̍i̍h！Puh 燻 ê 一pû 柴in |
|
Ū sî-chûn Hùn-nō͘ sī chi̍t tiáⁿ chúi Sio kún-kún ê chi̍t tiáⁿ chúi Tiáⁿ-kòa khàm ân-ân It-ti̍t ut tī lāi-té Ah! Kiông beh khí-siáu ê chi̍t tiáⁿ chúi |
有時陣 憤怒是一鼎水 燒滾滾ê 一鼎水 鼎蓋khàm ân-ân 一直ut tī 內底 唉！強beh 起痟ê 一鼎水 |
|
Ah! Ū sî-chūn Hùn-nō͘ kèng-jiân sī chi̍t tiâu lō͘ Pêⁿ-pêⁿ tháⁿ-tháⁿ ê chi̍t tiâu lō͘ Sím-mi̍h ê-á tiàm téng-koân ta̍h Lóng bô iàu-kín |
唉！有時陣 憤怒竟然是一條路 平平坦坦ê 一條路 甚mi̍h鞋仔tiàm 頂懸踏 攏無要緊 |
|
Chún-kóng chiàn-chhia lián Tiau-tî khoaⁿ-khoaⁿ-á kàu Mā m̄-káⁿ haiⁿ pòaⁿ siaⁿ M̄-káⁿ khiā--khí-lâi khòng-gī ê |
準講戰車輪 刁持寬寬仔kàu Mā m̄-káⁿ哼半聲 M̄-káⁿ企起來抗議ê |
|
Ah! Chi̍t tiâu nńg kô-sô ê lō͘ Kan-taⁿ piáu-bīn ê tiám-á-ka Kiông beh chhèng-ian |
唉！一條軟kô-sô ê路 Kan-taⁿ 表面ê 點仔膠 強beh chhèng煙 |
