Gí-giân Tô͘-sat àn
|
語言屠殺案--咱攏是罪人 |
|---|---|
| Lí Khîn-hōaⁿ | 李勤岸 |
|
Àn-iû: 2002 nî Tâi-oân bó͘ Hôa-gí pó͘-si̍p-pan tī Bí-kok khan-teng kóng-kò, Sú-kî-pan tāi-liōng chio-seng. Chin-chē bô ì-sek ê Tâi-oân-lâng kā chú-tē sàng tńg-khì o̍h Hôa-gí kap Tiong-kok bûn-hòa. Kiat-kó, só͘-ū pò-miâ ê ha̍k-goân choân-sò͘ lî-kî sí-bông. Kai pó͘-si̍p-pan pī kok-chè hoat-têng khòng-kò gî-giân tô͘-sat.
|
案由：2002年 台灣某華語補習班 tī 美國刊登廣告，暑期班大量招生人kā子弟送轉去學華語kap中國文化。結果，所有報名ê 學員全數離奇死亡。該補習班被國際法庭控告語言屠殺。 |
|
Pī-kò: Oan-óng ah! Tāi-jîn Goán sī seng-lí-lâng Bo̍k-tek sī thàn-chîⁿ M̄-chai án-ne ē thâi-sí hiah chē lâng M̄-chai chia ê ha̍k-goân chiah ko͘-chui O̍h chi̍t kî Hôa-gí Soah sí giān-giān |
被告：冤枉ah！大人 阮是生理人 目的是趁錢 M̄知 án-ne 會thâi死 hiah 濟人 M̄知 chia ê 學員chiah 古錐 學一期華語 煞死 giān-giān |
|
Pī-kò piān-hō͘ lu̍t-su: Chia ê ha̍k-goân ê sí-bông Choa̍t-tùi kap o̍h Hôa-gí bô tī-tāi Kap Tiong-kok bûn-hòa bô tī-tāi Tiong-kok bûn-hòa chún-kóng ū to̍k Mā bē tì-kàu o̍h chi̍t kî Hôa-gí Soah sí giān-giān |
被告辯護律師：chia ê 學員 ê 死亡 絕對kap學華語無tī-tāi Kap中國文化無tī-tāi 中國文化準講有毒 Mā bē 致到學一期華語 煞死giān-giān |
|
Kiám-chhat-koaⁿ: Chia ê gín-á choân- pō͘ lóng-sī o̍h chi̍t-kî Hôa-gí Tiòng-to̍k lâi sí Hoeh-chheng kiám-giām ê kiat-kó Chèng-bêng ū kiông-chè bi̍t-chi̍p chù-siā gí-giân to̍k-sò͘ Tì-sú gín-á thé-chit sek-èng put-liông Khiàm-khoat khòng-thé Thoân-jiám tio̍h kòe-liōng bûn-hòa chìn-tōng Náu sè-pau sùn-kan sí-bông Che hián-jiân sī chi̍p-thé gí-giân tô͘-sat |
檢察官：chia ê 囡仔全部攏是學一期華語 中毒來死 血清檢驗 ê 結果 證明有強制密集注射語言毒素 致使囡仔體質適應不良 欠缺抗体 傳染著過量文化震動 腦細胞瞬間死亡 Che 顯然是集體語言屠殺 |
|
Goân-kò piān-hō͘ lu̍t-su: Tâi-oân gín-á èng-tong chia̍h in ka-ki ê bûn-hòa bó-leng Chiah ē kiān-khong sêng-tióng Kiông-chè i suh ū ui-hia̍p sèng ê Tiong-kok pó͘-pá It-sî chhoán-khùi bē-lī Náu khoat iông Tong-jiân mā sí giān-giān |
原告辯護律師：台灣囡仔應當食 in 家己 ê 文化母奶 才會健康成長 強制 in suh有威脅性 ê中國波霸 一時喘氣喘bē離 腦缺氧 當然mā 死giān-giān |
|
Pôe-sím-thoân: Guilty! Hoat-koaⁿ: Pī-kò phòaⁿ iú-kî-tô͘-hêng 5000 tang |
陪審團：Guilty！ 法官：被告判有期徒刑五千冬 |
