![]() |
語言屠殺案--咱攏是罪人 |
---|---|
Lí Khîn-hōaⁿ | 李勤岸 |
![]() |
案由:2002年 台灣某華語補習班 tī 美國刊登廣告,暑期班大量招生人kā子弟送轉去學華語kap中國文化。結果,所有報名ê 學員全數離奇死亡。該補習班被國際法庭控告語言屠殺。 |
![]() Goán sī seng-lí-lâng Bo̍k-tek sī thàn-chîⁿ M̄-chai án-ne ē thâi-sí hiah chē lâng M̄-chai chia ê ha̍k-goân chiah ko͘-chui O̍h chi̍t kî Hôa-gí Soah sí giān-giān |
被告:冤枉ah!大人 阮是生理人 目的是趁錢 M̄知 án-ne 會thâi死 hiah 濟人 M̄知 chia ê 學員chiah 古錐 學一期華語 煞死 giān-giān |
![]() Choa̍t-tùi kap o̍h Hôa-gí bô tī-tāi Kap Tiong-kok bûn-hòa bô tī-tāi Tiong-kok bûn-hòa chún-kóng ū to̍k Mā bē tì-kàu o̍h chi̍t kî Hôa-gí Soah sí giān-giān |
被告辯護律師:chia ê 學員 ê 死亡 絕對kap學華語無tī-tāi Kap中國文化無tī-tāi 中國文化準講有毒 Mā bē 致到學一期華語 煞死giān-giān |
![]() Tiòng-to̍k lâi sí Hoeh-chheng kiám-giām ê kiat-kó Chèng-bêng ū kiông-chè bi̍t-chi̍p chù-siā gí-giân to̍k-sò͘ Tì-sú gín-á thé-chit sek-èng put-liông Khiàm-khoat khòng-thé Thoân-jiám tio̍h kòe-liōng bûn-hòa chìn-tōng Náu sè-pau sùn-kan sí-bông Che hián-jiân sī chi̍p-thé gí-giân tô͘-sat |
檢察官:chia ê 囡仔全部攏是學一期華語 中毒來死 血清檢驗 ê 結果 證明有強制密集注射語言毒素 致使囡仔體質適應不良 欠缺抗体 傳染著過量文化震動 腦細胞瞬間死亡 Che 顯然是集體語言屠殺 |
![]() Chiah ē kiān-khong sêng-tióng Kiông-chè i suh ū ui-hia̍p sèng ê Tiong-kok pó͘-pá It-sî chhoán-khùi bē-lī Náu khoat iông Tong-jiân mā sí giān-giān |
原告辯護律師:台灣囡仔應當食 in 家己 ê 文化母奶 才會健康成長 強制 in suh有威脅性 ê中國波霸 一時喘氣喘bē離 腦缺氧 當然mā 死giān-giān |
![]() Hoat-koaⁿ: Pī-kò phòaⁿ iú-kî-tô͘-hêng 5000 tang |
陪審團:Guilty! 法官:被告判有期徒刑五千冬 |