Lim-lim--leh thang tò
|
Lim-lim--leh thang轉 |
| Iûⁿ Chín-jū |
楊振裕 |
|
Kúi-ê hó pêng-iú tī iā-chhī-á ê gô-bah-tàⁿ leh lim olâm-á-bì-lù” (chheⁿ beh-á-chiú), lim kah bâng-su-su, keng-kòe chiâⁿ tiám-cheng--a, ta̍k-ke lóng chha-put-to--a, siūⁿ beh lâi sòaⁿ-hōe--a.
|
幾個好朋友tī夜市á ê鵝肉擔leh lim「lâm-á-bì-lù」（生啤酒），lim kah bâng-su-su,經過chiâⁿ點鐘--a,ta̍k-ke lóng差不多--a,想beh來散會--a。 |
|
Lô--ê khah tōa nâ-âu, tō kā chē tī tùi-bīn ê sió-Tân--ê kóng: “Chín--sàng! Lí kā bīn-chêng hit poe lim-lim--leh thang tò ! ”
|
羅--ê khah大嚨喉，tō kā坐tī對面ê小陳--ê講：「Chín--sàng!你kā面前hit poe lim-lim--leh thang tò!」 |
|
Sió-Tân--ê thiaⁿ liáu èng kóng: “Hó--a, eng-àm lim ū kàu chōe--a, lim-lim--leh tńg lâi-khì hioh-khùn siōng chán!” Tō kā bīn-thâu-chêng hit tōa poe phâng--khí-lâi, gō͘-la̍k-saⁿ-chap, sái ti̍t-âu lóng kā koàn--loh-khì.
|
小陳--ê聽了應講：「好--a,eng-àm lim有夠chōe--a,lim-lim--leh轉來去歇睏上讚！」Tō kā面頭前hit大杯phâng--起-來，五六三十，駛直喉攏kā灌--落-去。 |
|
Tú-chiah lim liáu, Lô--ê tō kòaⁿ-kín koh kā Sió-Tân--ê thîn 1 tōa poe bì-lù, Sió-tân--ê chhun-chhiú khì chó͘-tòng, tōa siaⁿ kóng: “M̄ sī kóng lim-lim--leh thang tò--khì?
|
Tú-chiah lim了，羅--ê tō趕緊koh kā小陳--ê thîn1大杯bì-lù,小陳--ê伸手去阻擋，大聲講：「M̄是講lim-lim--leh thang tò--去？」 |
|
“Bô--no͘!” Lô--ê chhiò kah kiông beh tòng-bōe-tiâu, chiap--lo̍h-khì kóng: “Góa sī kóng lim-lim--leh, thang hó koh tó 1 poe--lah!”
|
「無--no͘!」羅--ê笑kah強beh 擋bōe-tiâu,接--落-去講：「我是講lim-lim--leh,thang-好koh倒１杯--lah!」 |
