Kóaⁿ beh khì Phang-chhân
|
趕beh去Phang-chhân |
| Iûⁿ Chín-jū |
楊振裕 |
|
Kā sin-hêng ê pān-kong-toh-á ùi chhia-téng hē--lo̍h-lâi, koh chhiâu-chhiâu pâi-pâi hó-sè, N̂g láu-pán khiā tī chhia-piⁿ kap ha̍k-hāu ê Chóng-bū--ê Pò͘ chú-jīm kóng bô kúi kù ōe, tō kóaⁿ-kín beh cháu--lah !
|
Kā新型ê辦公桌仔ùi車頂下--落-來，koh chhiâu-chhiâu排排好勢，黃老板khiā tī車邊kap學校ê總務--ê傅主任講無幾句話，tō趕緊beh走--ah! |
|
"Sī leh kóaⁿ--siáⁿ? Lim 1-poe tê chiah cháu--lah ! "
|
「是leh趕- -啥？Lim 1杯茶才走--lah!」 |
|
"Bē-sái-tit--lah, góa tō koh kóaⁿ lâi-khì Phang-chhân--lah !"
|
「Bē使得--lah, 我tō koh趕來去Phang-chhân--lah!」 |
|
"A̍h lí chit-má "OA ka-kū" tō chò kah hiah-n̍i̍h chhia-iāⁿ--a, iáu koh ū-êng thang khì chò-chhân--ò͘ ? "
|
「A̍h你chit-má『OA家具』tō做kah hiah-n̍i̍h chhia-iāⁿ--a, 猶koh有閒thang去做田- -ò͘?」 |
|
N̂g láu-pán sòa-chhiú kā chhut-hóe-toaⁿ tu hō͘ Pò͘ chú-jīm , goân-lâi téng-koân siá--ê sī "Jī-lîm , Hiong-tiân", piⁿ-á koh ū chhau 1-ki tiān-ōe ê hó-bé.
|
黃老板sòa手kā出貨單tu hō͘傅主任，原來頂koân寫--ê是「二林、香田」，邊仔koh有chhau 1支電話ê號碼。 |
|
"He sī Hoan-á-chhân--lah!"Pò͘ chú-jīm tòng bōe-tiâu, hiông-hiông soah chhiò--chhut-lâi, tō kā N̂g láu-pán kóng:"Lí beh chò seng-lí mā sió-mn̄g 1--ē,m̄-sī Phang-chhân, sī hō-choh Hiong-tiân--lah ! "
|
「He是番仔田--lah!」傅主任擋bōe-tiâu,雄雄soah笑--出-來，tō kā黃老板講：「你beh做生理mā 小問1--下，m̄是Phang-chhân,是號做Hiong-tiân--lah!」 |
