Ti-hông tiⁿ-giân bi̍t-gí
|
知防甜言蜜語 |
| Phian-chip-sek |
編輯室 |
|
(Khòaⁿ tùi-bīn ê tô͘.)
|
(看對面ê圖。) |
|
Ū chi̍t-chiah o͘-a teh-bah tī chhiū-téng teh-beh chia̍h. Ū chi̍t-chiah soaⁿ-káu khòaⁿ-kìⁿ, chiū cháu lâi chhiū-kha pho͘-tháⁿ--i kóng,”Chēng góa it-seng m̄-bat khòaⁿ-kìⁿ chiáu ê mn̂g chhin-chhiūⁿ o͘-a-hiaⁿ lí chiah pe̍h chiah súi, lí ê seng-khu ia̍h put-chí chéng-chê, phiau-tì. Taⁿchiah ê m̄-bián koh kóng, chóng-sī lí ê siaⁿ káⁿ chám-jiâm hó thiaⁿ. Lí ê siaⁿ nā chhin-chhiūⁿ lí ê seng-khu hiah súi, goaphah2-sǹg bô pòaⁿ chiah chiáu káⁿ kap lí pí.” Hit-ê o͘-a thiaⁿ-kìⁿ i-ê tiⁿ-giân bi̍t-gí, pak-tó͘-lāi lóng phū-phū-kún, kha-chhiú ngia̍uh-ngia̍uh-tāng, hoaⁿ-hí kàu tòng-bē-tiâu.
|
有一隻烏鴉得肉tī樹頂teh-beh 食，有一隻山狗看見，就走來樹腳pho͘-tháⁿ--伊，講：「Chēng我一生m̄-bat看見鳥ê毛親像烏鴉兄你chiah 白chiah súi,你ê身軀亦不止整齊、標緻。今chiah-ê m̄ 免koh講：「總--是你ê聲敢嶄然好聽，你ê聲若親像你ê身軀hiah súi,我扑算無半隻鳥敢佮你比。」Hit個烏鴉聽見伊ê甜言蜜語，腹肚內攏phū-phū滾，腳手ngia̍uh-ngia̍uh動，歡喜到擋bē tiâu 。 |
|
Nā-sī teh siūⁿ, Chit chiah soaⁿ-káu káⁿ ē lî-lî-á giâu-gî góa ê siaⁿ bô kàu ke̍k hó,siūⁿ tio̍h háu hō͘ i thiaⁿ, bián-tit i teh gî. Tú-á khui-chhùi teh háu, hit-tè bah chiū ka-la̍uh. Hit chiah soaⁿ-káu kā hit-tè bah chò i iô-iô pái-pái, ti̍t-ti̍t khô ti̍t-ti̍t khì, chiàⁿ iân-lō͘ chhiò chit-ê o͘-a hīⁿ-khang khin, ē po-so--tit. (Khòaⁿ Lóng-sim jū-giân tē 7 bīn).
|
若是teh想，這隻山狗敢會lî-lî-á僥疑我ê聲無到極好？想著哮hō͘伊聽，免得伊teh疑。抵仔開嘴teh哮，hit塊肉就ka-la̍uh 。Hit隻山狗咬hit塊肉做伊搖搖擺擺，直直khô直直去，chiàⁿ沿路笑這個烏鴉耳孔輕，會褒唆 --tit。（看養心諭言第7面） |
|
(Tâi-lâm-hú-siâⁿ kàu-hōe-pò 139 kaon3, 1896 nî 10 goe̍h)
|
(台南府城教會報139卷，1896年10月) |
