Chhong-bêng vs gû-gōng
|
聰明 vs 愚戇 |
| Chhòa Sek-gî |
蔡Sek-gî |
|
Tâi-oân 2004 nî chóng-thóng soán-kí khai-sí ê sî, ū 1-ji̍t Liân-chiàn khì pài-hóng Tân Chúi-píⁿ, I mn̄g Tân Chóng-thóng kóng:“Lí chhái-iōng So͘ Cheng-chhiong chò lí ê kēng-soán chóng-pō͘ chú-jīm, lí tong-chho͘ sī án-chóaⁿ phòaⁿ-tēng I sī 1-ūi chhong-bêng koh ū lêng-le̍k ê lâng? ”
|
台灣2004年總統選舉競選開始ê時，有一日連戰去拜訪陳水扁，伊問陳總統講：「你採用蘇貞昌做你ê競選總部主任，你當初是按怎判定伊是一位聰明koh有能力ê人？」 |
|
A-píⁿ--a kóng: “Góa mn̄g I chi̍t-ê būn-tê:siáⁿ-mi̍h lâng sī lín lāu-pē ê hāu-seⁿ tān m̄-sī lí ê hiaⁿ-tī? I hō͘ góa 1-ê chèng-khak ê tap-àn: “Sī góa So͘ Cheng-chhiong”, só͘-í góa chai-iáⁿ I sī 1-ūi chhong-bêng koh ū lêng-le̍k ê lâng.”
|
阿扁--a講：「我問伊一個問題：啥物人是lín老父ê後生但m̄是你ê兄弟？伊hō͘我一個正確ê答案：『是我蘇貞昌』，所以我知影伊是一位聰明koh有能力ê人。」 |
|
Liân-chiàn tńg--khì I ê kēng-soán chóng-pō͘ liáu-āu chiū kiò Má Eng-kiú lâi khó-chhì, I mn̄g Má eng-kiú kóng: “Siáⁿ-mi̍h lâng sī lín lāu-pē ê hāu-seⁿ tān m̄-sī lí ê hiaⁿ-tī?”
|
連戰轉--去伊ê競選總部了後就叫馬英久來考試，伊問馬英久講：「啥物人是lín老父ê後生但m̄是你ê兄弟？」 |
|
Má Eng-kiú siūⁿ 1-ē chiū kóng: “Chhiáⁿ tán--1-ē.” Má Eng-kiú chiū khì keh-piah chhéng-kàu Ông Kim-pêng chit-ê bûn-tê, Ông Kim-pêng kóng: “Kán-tan--lah, tap-àn sī góa Ông Kim-pêng。”
|
馬英久想一下就講：「請小等--一-下。」馬英久就去隔壁請教王金平這個問題，王金平講：「簡單--lah,答案是我王金平。」 |
|
Má Eng-kiú chiū tńg-khì Liân-chiàn hia kóng: “Tap-àn sī Ông Kim-pêng.” Liân-chiàn kóng:”Má Eng-kiú, lí si̍t-chāi chin pūn, chèng-khak ê tap-àn sī “So͘ Cheng-chhiong”--lah.”
|
馬英久就轉去連戰hia講：「答案是王金平。」連戰講：「馬英久，你實在真笨，正確ê答案是『蘇貞昌』--lah。」 |
