Gōa-kok-khiuⁿ ê Tâi-gí (hiâu kap chhio)
|
外國腔ê台語--嬈kap chhio |
| Tiuⁿ Hok-chû_Siau Pêng-tī |
張復聚,蕭平治 |
|
Tâi-gí sī chi̍t -ê ū siaⁿ-tiāu ê gí-giân ( tone langoage ). Siaⁿ-tiāu nā hut m̄-tio̍h, ì-sù tio̍h tùi tē-kiû chha kàu goe̍h-niû khì.
|
台語是一ê 有聲調ê 語言（tone langoage ），聲調若hut m̄ 著，意思著對地球差到月娘去。 |
|
Chá-chêng tī Tâi-lâm bó͘ chi̍t keng tiong-ha̍k, ū chi̍t -ê bo̍k-su niû teh kā ko-tiong lú ha̍k-seng siōng-khò. Bo̍k-su niû chin jīn-chin giâm-siok tī tâi-á-téng kóng kàu chhùi-kak choân-pho, koh chhùi-nōa-chúi mā phùn kàu tâi-á-kha khì. I khòaⁿ ha̍k-seng bô sím-mi̍h hoán-èng, siūⁿ beh mn̄g khòaⁿ in ē-hiáu - -bô. m̄ -kú I ê siaⁿ-tiāu lia̍h-liáu bô sáⁿ chún, sòa mn̄g kóng: " Taⁿ, góa tī tâi-téng ū chhùi kóng kàu bô nōa, chhùi-kho͘ hoán ngē, chhùi-chi̍h8 hoán ta, lín tàu-té sī ē hiâu á bē hiâu ? "
|
早前tī 台南某一間中學，有一ê 牧師娘teh kā 高中女學生上課，牧師娘真認真嚴肅tī 台仔頂講到嘴角全波，koh嘴瀾水嘛噴到台仔腳去，伊看學生無甚麼反應，想beh 問看In 「會曉--無」？m̄-kú 伊ê 聲調掠了無啥準，煞問講：「我tī 台頂有嘴講到無nōa ，嘴箍hoán-ngē （反硬），嘴舌hoán 乾， lín 到底是「會hiâu bē hiâu （嬈）」？ |
|
Tâi-kha cha̍p chhit peh hòe ê cha-bó͘ ha̍k-seng thiaⁿ-tio̍h chiok ngāi-gio̍h, lóng thâu chhi̍h- chhi̍h, bô pòaⁿ lâng chhut siaⁿ. Bo̍k-su niû mn̄g ōe bô lâng ìn, sòa tńg siū-khì, chiū khah tōa siaⁿ kóng : " Tio̍h ài kóng, m̄-thang kek tiām-tiām, kóng, ē hiâu á bē hiâu ?"
|
台腳十七八歲ê 查某學生聽著足ngāi-gio̍h ，攏頭chhi̍h-chhi̍h ，無半人出聲，牧師娘問話無人應，煞轉受氣，就卡大聲講：「著愛講，m̄-thang kek 恬恬，講，「會hiâu 抑bē hiâu 」？ |
|
Cha-bó͘ gín-á ha̍k-seng kàu chia si̍t-chāi tòng-bē-tiâu, soah hiông-hiông tōa-tōa-siaⁿ chhiò--chhut-lâi, bo̍k-su-niû m̄-chai in teh chhiò siáⁿ-mé ? Soah koh-khah siū-khì, tō koh-khah tōa-siaⁿ jióng kóng : " Bē-sái tī kàu-sek lāi ' chhio ' ! Beh chhio khì gōa-bīn chhiū-á-kha hia chhio ! "
|
查某囡仔學生到遮來實在擋bē-tiâu ，煞雄雄大大聲笑--出來，牧師娘m̄ 知In teh 笑甚麼？煞koh卡受氣，就koh卡大聲嚷講：bē 使tī 教室內「chhio 」！beh chhio 去外面樹仔腳遐chhio ！ |
