Lín-pē ê sū-kiāⁿ
|
Lín pē ê事件 |
| Tân Phek-siū_N̂g Chin-kiù |
陳柏壽,黃真救 |
|
Lí Teng-hui Chóng-thóng khì Panama hóng-mn̄g ê sî, Panama ê koaⁿ-oân m̄-chai sím-mi̍h kiò-chò Republic of China, tō gia̍h ngô͘-chheⁿ-kî tī hui-ki-tiûⁿ ngiâ-chi̍h i. Tâi-oân ê gōa-kau-koaⁿ kan-taⁿ chia̍h-pn̄g ē-hiáu niâ..
|
李登輝總統去Panama訪問ê時，Panama ê官員m̄知甚物叫做Republic of China,tō gia̍h五星旗tī飛機場迎接伊。台灣ê外交官kan-taⁿ食飯會曉niâ。 |
|
Kàu-ūi í-āu, kì-chiá mn̄g Lí Chóng-thóng, Tiong-kok hiah-n̍i̍h tōa, lí thài m̄-kiaⁿ--neh? Lí Chóng-thóng tō kā ìn kóng: "Tiong-kok sī teh gōa tōa? Bô lín-pē hiah tōa--lah!"
|
到位以後，記者問李總統，中國hiah-ni̍h大，你thái m̄驚---neh?李總統toh kā in講： “中國是teh外大？無lin pē hiah大--lah!” |
|
Kòe-mê-ji̍t, Tâi-oân ê Liân-ha̍p-pò tō siá kóng : Lí Chóng-thóng tī Panama kóng "Tiong-kok gōa tōa? ＜Me-iu uo te papa na mo ta!＞ Tiong-kok-sî-pò soah siá kóng: Lí Chóng-thóng kóng ＜ Me-iu ni te papa na mo ta!＞
|
過暝日，台灣ê聯合報tō寫講：“李總統tī Panama講＜中國外大？沒有我的爸爸那麼大！＞”， 中國時報soah寫講：“李總統講：「沒有你的爸爸 那麼大！」”。 |
|
Tong-jiân chia-ê Tiong-kok-lâng, bô-lūn kóng sím-mi̍h: ＜ni te papa> iah-sī ＜uo te papa>lóng m̄-tio̍h--lah. Lín-pē tō-sī lín-pē--lah. Tiong-kok-lâng thiaⁿ bô lah.
|
當然chia-ê中國人，無論講甚物＜你的爸爸＞抑無＜我的爸爸＞攏m̄-tio̍h--lah。 lín pē就是 lín pē--lah。中國人聽無--lah。 |
|
Ū chi̍t-ji̍t, tùi Canada ê sun-á tńg lâi Ko-hiông khòaⁿ A-kong. A-kong chiap sun-á chē kè-thêng-chhia tńg--khì. Tī kè-thêng-chhia lāi-bīn ê ùn-chiàng chi̍t-lō͘--a lóng tōa-siaⁿ sè-siaⁿ mē Tâi-oân hia-ê sái-tháng chèng-kheh, oan-nā kiāu, oan-nā kóng "lín-pē " chit N̄g-jī.
|
有一日，tùi Canada ê孫á轉來高雄看阿公。阿公接孫á坐計程車轉去。Tī計程車內面ê 運掌一路--a攏大聲罵台灣hia-ê 屎桶政客，oan-nā kiâu,oan-nā講：「 lín pē」這二字。 |
|
Sun-á Tâi-oân-ōe thiaⁿ bô, tān-sī chi̍t-lō͘ thiaⁿ ùn-chiàng it-ti̍t kóng "lín-pē" m̄-chai sī sím-mi̍h ì-sù. Tō mn̄g A-kong: "A-kong, lín-pē sī sím-mi̍h ì-sù?" A-kong khì hō͘ i mn̄g, chi̍t-ē soah gāng--khì, m̄-chai beh án-chóaⁿ kā sun-á kái-soeh chiah hó. Beh kái-soeh mā kái-soeh bē chheng-chhò. Lú kóng ē lú hoe--lah. Chòe-āu bô hoat-tō͘ tō kán-tan kā A-sun--a kóng: "Bô--lah! Lín-pē sī teh kóng "góa" ê ì-sù niâ--lah!"
|
孫á台灣話聽無，但是一路聽運掌一直講「 lín pē」，m̄知意思。Tō問阿公：“阿公，「 lín pē 」是甚物意思？”阿公去hō͘伊問一下soah gāng--去，m̄知beh按怎kā孫á解說才好。Beh解說mā解說bē清楚。Lú講會lú花lah。最後無法度tō簡單kā阿孫--a講：“無--lah! lín pē 是teh講「我」ê意思niâ--lah! ”。 |
|
A-sun--a chin khiáu, tī i ê sim-koaⁿ lāi tō chhim-chhim ē-kì-tit: "lín-pē" chiū-sī "góa" ê ì-sù。Bûn-tê chhut tī chia --lah.
|
阿孫--a真巧，tī伊ê心肝內tō深深會記得「 lín pē」就是「我」ê意思。問題出tī chia--lah。 |
|
Kòe-nî liáu, A-kong khì Toronto khòaⁿ in sun-á. Sun-á in choân-ke lóng tī hoe-lêng-ki-tiûⁿ teh tán A-kong chhut--lâi. Hui-lêng-ki bān-hun,tán kàu chin kú. Chòe-āu, A-kong chin-chiàⁿ tùi hui-ki-tiûⁿ chhut-hiān. A-sun--a ūi-tioh beh hō͘ A-kong hoaⁿ-hí , te̍k-pia̍t tī A-kong ê bīn-chêng beh tián chi̍t-ê Tâi-oân-ōe hō͘ A-kong thiaⁿ: " A-kong, lí sī án-chóaⁿ hiah òaⁿ chiah kàu? Lín-pē tī chia tán lí chiok kú ne!"
|
過年了，阿公去Toronto看in孫á。孫á in全家攏tī飛凌機場teh等阿公出--來。飛凌機慢分，等到真久。最後，阿公真正tùi飛機場出現。阿孫--a為著beh hō͘阿公歡喜，特別tī阿公ê面前beh展一下台灣話hō͘阿公聽：「阿公，你是按怎hiah òaⁿ 才到？ lín pē tī chia等你足久--neh!」 |
