Lâi chia̍h kan-á
|
來食橄仔 |
|---|---|
| Siau Lah-ji̍h | 蕭Lah-ji̍h |
|
A-peh siōng-ài chia̍h kan-á, I kóng kan-á chu-bī chiâⁿ-chán, sió-khóa kam-tiⁿ kam-tiⁿ, chia̍h-tio̍h chhùi-khí-nōa to̍p-to̍p-tin. Ū 1 kang, a-peh lâi gún-tau, a-bú chhoân chi̍t-kóa tiám-sim kap kóe-chhí chhut-lâi beh hō͘ a-peh chia̍h.
|
阿伯上愛食橄仔，伊講橄仔滋味chiâⁿ讚，sió-khóa甘甜甘甜，食著嘴齒nōa to̍p-to̍p-tin。有一工，阿伯來阮兜，阿母chhoân一kóa點心kap果子beh hō͘阿伯食。 |
|
A-eng--a chin sai-nai koh hó-thâu-chhùi tiō kiò a-peh chia̍h: A-peh ! Chia̍h chúi-kó--lah ! Ū ông-lâi, ū nāi-chi, ū keng-chio, mā-u kan-á, chhut-chāi lí kéng. A-peh ! Lí beh chia̍h siáⁿ, góa the̍h hō͘ lí chia̍h !
|
阿英--a 真sai-nai koh好頭嘴tiō 叫a伯食：阿伯！食水果--lah!有旺梨，有荔子，有芎蕉，mā有橄仔，chhut-chāi 你kéng。阿伯！你beh食啥，我the̍h hō͘你食！ |
|
A-eng ū-iáⁿ koai to-tio̍h, bián--lah, a-peh ka-kī the̍h tiō-hó. Kiat-kó, a-peh chē kui pòaⁿ-po͘, lóng bô chia̍h mi̍h-kiāⁿ.
|
阿英有影乖 to-tio̍h,免--lah,阿伯家己the̍h tiō好。結果，阿伯坐規半晡，攏無食物件。 |
|
A-peh ! Lí ná-ē bô-ài chia̍h ?
|
阿伯！你那會無ái 食？ |
|
Ah lí m̄-sī kóng ū he kan-á ?
|
Ah你m̄是講有he橄仔？ |
|
A-peh ! Kan-á tī-chia, hō͘-lí chia̍h.
|
阿伯！橄仔tī chia,hō͘你食。 |
|
Goân-lâi a-eng sī the̍h kam-á hō͘ a-peh.
|
原來阿英是the̍h柑仔hō͘阿伯。 |
