Ka-sàu hó--khì-a
|
咳嗽好--去-a |
| Siau Lah-ji̍h |
蕭Lah-ji̍h |
|
Láu Tân--ê ū-kàu phòa-keh, piān-nā kap lâng kóng-ōe, tō khuh-khuh-sàu, sàu bô-thêng, sàu kah ta̍k-ê lóng chin-ùi kap i tàu-tīn.
|
老陳--ê有夠破格，piān若kap人講話，tō khuh-khuh嗽，嗽無停，嗽kah逐家攏真ùi kap伊鬥陣。 |
|
Ū-lâng kiàn-gī i khì hō͘ i-seng khòaⁿ. Kiám-cha kiat-kó, ia̍h bô hoat-hiān tì siáⁿ-mi̍h chèng-thâu, i-seng kóng che sī si̍p-koàn-pēⁿ, bô io̍h i--lah.
|
有人建議伊去hō͘ 醫生看。檢查結果，也無發現tì 啥物症頭，醫生講che是習慣病，無藥醫--lah 。 |
|
Āu--lâi ta̍k-ê chai-iáⁿ khuh-khuh-sàu put-kò sī Láu Tân--ê i ê phòa-keh pháiⁿ-si̍p-koàn, tō bô koh chhap--i.
|
後--來逐個知影khuh-khuh嗽不過是老陳--ê伊ê破格歹習慣，tō無koh chhap --伊。 |
|
Chòe-kīn, Láu Tân--ê tu̍t-jiân-kan soah bē-koh khuh-khuh-sàu, tàu-té sī tó chi̍t-ūi i-seng chiah-n̍i̍h gâu, kā i-hó i ê kú-nî pēⁿ ?
|
最近，老陳--ê突然間soah bē koh khu̍h -khu̍h嗽，到底是叨一位醫生chiah-ni̍h gâu,kā 醫好伊ê舊年病？ |
|
Láu Tân--ê kā gún kóng: “Ah to khì hō͘ SARS sah hó--khì-ê-lah.”
|
老陳--ê kā 阮講：『Ah to去hō͘ SARS sah好--去--ê-lah。』 |
|
Ta̍k-ê kám-kak chiâⁿ ho͘hN-kî ?
|
逐個感覺chiâⁿ好奇？ |
|
Láu Tân--ê kóng : “Ah to ah-soah m̄-chai, sah-suh liû-hêng hit-chām-á, kiàn-nā chhut-mn̂g, góa tō kiaⁿ kah m̄-káⁿ khām 1-ê ka-sàu, lóng ka lún-tiâu--leh, lún 1-ē kú, soah hó--khì.
|
老陳--ê講：『Ah to ah-soah m̄知，sah-suh流行hit -cham-á,kiàn若出門，我tō驚kah m̄ 敢khām一個咳嗽，攏ka忍tiâu--leh ，忍一下久，soah 好--去。 |
