Kám-ū khó-liân
|
敢有khó-liân? |
| Siau Lah-ji̍h |
蕭Lah-ji̍h |
|
Sin-bûn pò-tō 1 ê NEWS, kóng 1 ê tú tō͘-chè ê gín-á lia̍h 1 bóe chôa tī thô͘-kha leh sńg, in lāu-bú khòaⁿ 1-ē kiaⁿ 1-tiô, kóaⁿ-kín gia̍h sàu-chhiú beh kā chôa sàu hìⁿ-sak, put-hēng soah khì hō͘ chôa kā-sí tī thô͘-kha-tau, hit-ê gín-á iû-goân kè-sio̍k leh sńg hit-bóe chôa .
|
新聞報導一個NEWS,講一個tú度chè ê囝仔掠一尾蛇tī 土腳leh sńg ，in老母看一下驚一 tiô ，趕緊gia̍h 掃帚beh kā 蛇掃hìⁿ-sak,不幸soah去hō͘ 蛇咬死tī土腳兜，hit ê 囝仔猶原繼續leh sńg hit bóe蛇。 |
|
A-ian--a thiaⁿ liáu tō kóng : “He ā ū khó-liân ?”
|
阿煙--a聽了tō講：『He ā 有khó-liân ?』 |
|
A-éng kóng: “Lâng hō͘ chôa kā-sí--khì, iáu kóng bô khó-liân, lí si̍t-chāi chin bô tông-chêng-sim--neh ?”
|
阿永講：『人hō͘ 蛇咬死--去，猶講無khó-liân,你實在真無同情心--neh ？』 |
|
A-ian kóng : “ Bô khó-liân tō-sī bô khó-liân, ná ū hit-chióng hàm-kó͘ ê tāi-chì, gín-á sńg-chôa bē hō͘ kā--tio̍h, tōa-lâng soah khì hō͘ kā--sí, chit-chióng tāi-chì kám-ū khó-liân ?”
|
阿煙講：『無khó-liân tō是無khó-liân,那有hit 種hàm 古ê代誌，囝仔sńg 蛇bē hō͘ 咬--著，大人soah 去hō͘ 咬--死，這種代誌敢有khó-liân?』 |
|
Goân-lâi A-ian sī Ián-chiān-lâng (chù: Chiong-hòa-koān Ián-chiān-hiong lâng).
|
原來阿煙是Ián-chiān人（註：彰化縣永靖鄉人）。 |
