Chóng-tok ê Kò-sī teh kìm A-phiàn
|
總督ê 告示teh禁鴉片 |
|---|---|
| Phian-chip-sek | 編輯室 |
|
Tâi-oân Chóng-tok Hái-kun Tāi-Chiòng Pek-chiok Hōa-san.
|
台灣總督海軍大將伯爵（Pek-chiok）樺山。 |
|
In-ūi chhut kò-sī thong-ti lâng chaiê sū ; chiàu-tit taⁿ àn Tāi Ji̍t-pún Tè-kok kap Gōa-iûⁿ ta̍k-kok só͘ gī hiān tēng tiâu-iok, pún hái-sū iā tio̍h chiàu án-nipān. Chiong-lâi Tâi-oân só͘ ū chìn ji̍p hái-kháu ê A-phiàn-thô͘, eng-kai chiàu tiâu-iok it-khài giâm kìn. Chóng-sī A-phiàn koàn-sī ēng-kàu chiah chē nî kub2e-kham-tit chò-chi̍t-sî choa̍t-tn̄g, kiaⁿ-liáu ū koan-gāi lâng ê sèⁿ-miā; tùi taⁿ liáu-āu it-khài A-phiàn-thô͘ lóng kui koaⁿ-hú, tio̍h thèng-hāu chim-chiok tiāⁿ-tio̍h ê chiong-thêng, chún in téng thè io̍h chò lō͘-ēng. Ha̍p-gia̍p thong-ti hō͘ lâng chai, ūi-tio̍h che kò-sī ǹg-bāng lín peh-sèⁿ chèng-lâng it-thé lóng chai, ta̍k-lâng tio̍h chun-thàn. Tiâu-tî chí-sī.
|
因為出告示通知人知ê 事；照得今按大日本帝國佮外洋逐國所議現定條約，本海嶼也著照án-ni辦。將來台灣所有進入海口ê 鴉片塗，應該照條約一概嚴禁。總是鴉片慣勢用到chiah濟年久bē堪得做一時絕斷，驚了有關礙人ê 生命，對今了後一概鴉片塗攏歸官府，著聽候斟酌定著ê 章程，準in頂替藥做路用，佮額通知hō͘人知，為著這告示向望lín百姓眾人一體攏知，逐人著遵趁，刁持指示。 |
|
(Tâi-lâm-kàu-hōe-pò 132 koàn, 1896 nî 3 goe̍h)
|
(台南教會報132卷，1896年3月) |
