Chèng chhùi-chhiu
|
種嘴鬚 |
| Siau Lah-ji̍h |
蕭Lah-ji̍h |
|
Chit-má ê kho-ha̍k chiâⁿ hoat-ta̍t, thuh-thâu ê lâng, m̄-nā ē-sái-chit boah io̍h-á hō͘ thâu-mn̂g koh puh--chhut-lâi, mā ē-sái-chit chhiūⁿ chèng-chháu-á án-ni chèng thâu-mn̂g.
|
Chit-má ê科學誠發達，禿頭ê人，m̄若會使-chit抹藥--仔hō͘頭毛koh puh--出-來，mā 會使-chit像種草仔án-ni種頭毛。 |
|
1 ê hàn-chháu chiâⁿ-chán ê tiong-liân-lâng, seⁿ-chò iân-tâu phiau-phiat, thâu-mn̂g o͘-sìm-sìm, khó-sioh bô hoat chhùi-chhiu, 1 sut-á to-bô, i kám-kak chiâⁿ ut-chut, in-ūi lâng lóng keng-thé i chiâⁿ bô cha-po͘-lâng khì-khài. In bó͘ kiàn-gī i khì chhōe i-seng chèng chhùi-chhiu.
|
一個hàn-chháu誠chán ê中年人，生做緣投漂撇，頭毛烏sìm-sìm,可惜無發嘴鬚，1屑仔tō無，伊感覺誠鬱卒。因為人攏keng-thé伊誠無查甫人氣慨。In某建議伊去chhōe醫生種嘴鬚。 |
|
I-seng kiàn-gī i iōng kòe-leng-kha mo͘ khah sèng-keh, in-ūi kòe-leng-kha mo͘ khiû-khiû. chhùi-chhiu chèng hó, i kám-kak chiâⁿ móa-ì, tiō sì-kè khì kâng tián, bô tián bô tāi-chì, 1 ē kap-lâng kóng-ōe, lâng lóng cháu kah lī-lī-lī, in-ūi i-ê chhùi-chhiu ū chhàu hô͘-lî-hiàn bī.
|
醫生建議伊用過乳腳毛 較性格，因為過乳腳毛khiû-khiû。嘴鬚種好，伊感覺誠滿意，就四界去kāng展。無展無代誌，一下kap人講話，人攏走kah離~離離，因為伊ê嘴鬚有臭狐狸hiàn味。 |
|
Si̍t-chāi chiâⁿ sit-bāng, kóaⁿ-kín khì chhôe i-seng siūⁿ pān-hoat, i-seng kiàn-gī i iōng lān-pha-mo͘ chhì khòaⁿ-māi, lān-pha-mo͘ khiû-khiû kāng-khoán chiâⁿ sèng-keh, mā bô chhàu hô͘-lî-hiàn, chhùi-chhiu chèng hó, i hui-siông móa-ì, chiòng-lâng mā lóng o-ló i chit-má si̍t-chāi ū-kàu cha-po͘-lâng khoán to-tio̍h, in bó͘ mā kám-kak chin hoaⁿ-hí. m̄-koh m̄-chai án-chóaⁿ? Kiàn-pái nā khòaⁿ-tio̍h súi cha-bó͘-gín-á, i tiō it-ti̍t lâu-phīⁿ lâu bē-soah chhit bē-lī, hō͘ i pháiⁿ-sè kiam iàn-khì, put-tek-í, iū-koh khì chhôe i-seng kóng goân-in.
|
實在誠失望，趕緊去chhōe醫生想辦法。醫生建議伊用lān-pha毛試看māi,lān-pha毛khiû-khiû共款誠性格，mā無臭狐狸hiàn。嘴鬚種好，伊非常滿意，眾人mā攏o-ló伊chit-má實在有夠查甫人款都著。In某mā感覺真歡喜。M̄-koh m̄知án-chóaⁿ，見擺若看著súi查某囡仔，伊就一直流鼻流bē煞、拭bē離，hō͘伊歹勢兼iàn氣。不得已，又koh去chhōe醫生講原因。 |
|
I-seng siūⁿ-lâi siūⁿ-khì, chòe-āu kiàn-gī iōng in-bó͘ ê im-mn̂g lâi chèng, tiō bô chiah-ê būn-tê, chhùi-chhiu chèng hó, kāng-khoán sī khiû mn̂g--ê, i chin móa-ì, in bó͘ mā chin hoaⁿ-hí, siūⁿ kóng chit-pái it-tēng bô tāi-chì, bián koh hùi-khì chiah-tio̍h, siáⁿ-chai 4 lé-pài āu, i soah bô-tāi-bô-chì leh lâu phīⁿ-hoeh ???
|
醫生想來想去，最後建議用in某ê陰毛來種，就無chiah-ê問題。嘴鬚種好，共款是khiû毛--ê,伊真滿意，in某mā真歡喜，想講這擺一定無代誌，免koh費氣才著。啥知4禮拜後，伊煞無代無誌leh流鼻血？？？ |
