A-pa khit chia̍h
|
阿爸乞食 |
| Siau Lah-ji̍h |
蕭Lah-ji̍h |
|
Ū chi̍t-ê ta-koaⁿ tùi sin-pū kāu khiau-khi, múi-ji̍t 3 tǹg, siuⁿ-chá chú mā liām, siuⁿ-bān chú tiō bô hoaⁿ-hí, hāi chit-ê chò sim-pū--ê, m̄-chai beh án-chóaⁿ chiah-hó, ta̍k-ji̍t lóng chiâⁿ ut-chut chiâⁿ kín-tiuⁿ.
|
有一個ta-koaⁿ對新婦kāu khiau-khi,每日3頓，siuⁿ早煮mā唸，siuⁿ慢煮tiō無歡喜，害這個做新婦--ê,m̄ 知beh按怎才好，逐日chiâⁿ鬱卒chiâⁿ緊張。 |
|
Chiah ē-po͘ 4 tiám gōa niā-tiāⁿ, ta-koaⁿ tō tńg-lâi tī kheh-thiaⁿ, tán beh chia̍h-pn̄g, sin-pū tī chàu-kha piàⁿ-miā chú, chú kah sim-koaⁿ-thâu phi̍h8-pho̍k-chháiⁿ, kan-na kiaⁿ ta-koaⁿ iû-koh bô hoaⁿ-hí.
|
才下晡4點外niā-tiāⁿ，ta-koaⁿ tō轉來tī客廳，等beh食飯，新婦tī灶腳拚命煮，煮kah心肝頭phi̍h8-pho̍k -cháiⁿ，kan-na驚ta-koaⁿ猶koh無歡喜。 |
|
1 tǹg àm-tǹg, chóng--sī pâi-tī chàu-kha toh-téng, ûi-su-kûn-á khah-meh thǹg-tiāu, chhiú sé-sé chhit-chhit--leh, khah-kín kiâⁿ kàu kheh-thiaⁿ : ‘’ A-pa khit-chia̍h ! ‘’
|
1頓暗頓，總--是排tī灶腳桌頂，ûi-su-kûn-á khah-meh thǹg掉，手洗洗拭拭--leh,khah緊行到客廳：『阿爸乞食！』 |
|
Hit-ê ta-koaⁿ thiaⁿ 1-ē, chha 1-sut-á tiō kiāu--chhut-lâi.
|
Hit個ta-koaⁿ聽一個，差一sut-á tiō kiāu --出-來。 |
