Saⁿ ê kiáⁿ-sài
|
三個子婿 |
| N̂g Chin-kiù |
黃真救 |
|
Ū saⁿ ê kiáⁿ-sài khì kā in tiūⁿ-lâng chiok-siū , ta̍k-lâng lóng ū tòa lé-mi̍h. Tng teh iàn-hōe ê sî, ta̍k-lâng tio̍h siūⁿ chi̍t-ê chhù-bī ê chiat-bo̍k thang hō͘ tiūⁿ-lâng hoaⁿ-hí。
|
有三個子婿去kā in丈人祝壽，ta̍k人攏有tòa禮物。Tng teh宴會ê時，ta̍k人tio̍h想一個趣味ê節目thang hō͘ 丈人歡喜。 |
|
Thâu chi̍t-ê kiáⁿ-sài sī tha̍k-chheh-lâng, I chiū khai-sí kóng: “iû-jī thâu thó͘, kah-jī bóe thó͘, sin-jī siang-thâu thó͘, tiân-jī kiu-kiu chi̍t pak-tó͘.”
|
頭一個子婿是讀冊人，伊開始講：『由字頭吐，甲字尾吐，申字雙頭吐，田字kiu-kiu一腹肚。』 |
|
Tē-jī ê sī thó-hái-lâng, i chiong I só͘ bat ê hái-sán the̍h chhut-lâi kóng: “Jiû-hî thâu thó͘, thá-khò͘ kha thó͘, than siang-thâu thó͘, chhân-lê kiu-kiu chi̍t pak-tó͘.”
|
第二ê是討海人，伊將伊所bat ê海產the̍h出來講：『魷魚頭吐，thá-khò͘腳吐，than雙頭吐，田螺kiu-kiu一腹肚。』 |
|
Tē-saⁿ ê kiáⁿ-sài sī chi̍t-ê sàn-hiong-lâng, i chí-ū chi̍t-niá mî-phōe, i chiū khui chhùi kóng: “Kah kha thâu thó͘, kah thâu kha thó͘, kah pak-tó͘ siang-thâu thó͘, chi̍t-ē kôaⁿ kàu-tè, bi̍h tiàm phōe lāi kiu-kiu chi̍t pak-tó͘.”
|
第三ê子婿是一個散鄉人，伊只有一領細領棉被，伊就開嘴講：『kah腳頭吐，kah頭腳吐，kah腹肚雙頭吐，一下寒到tè,bi̍h tiàm被內kiu-kiu一腹肚。』 |
