Khì-gia̍p-ka khì Tang-kiaⁿ lú-hêng
|
企業家去東京旅行 |
| N̂g Chin-kiù |
黃真救 |
|
Ka-gī chi̍t-ê tōa sêng-kong ê khì-gia̍p-ka kiò chò Lîm-á-phoh. I ū chi̍t-pái khì Ji̍t-pún ê Tang-kiaⁿ lú-hêng. I kóng: Siat--sia Lin Pau-si (góa sī Lîm-á-phoh). Mok-ka Ni-hon To-kyo ji-sa-chu (hiān-chāi lâi Ji̍t-pún Tang-kiaⁿ chū-sat) (I kóng m̄-tio̍h, èng-kai kóng “si-sa-chu”, sī-chha̍t ê ì-sū). Tai-oan e ka-ta-et-ra 50 ban ji-do-sia soh-si-khi (tńg-khì Tâi-oân beh chhòng-siat 50 bān ê chū-tōng-chhia hōe-siā) (èng-kai kóng “so-si-khi”, cho͘-chit ê ì-sū). A-me hu-ru thian (lo̍h-hō͘-thiⁿ), ji-do-sia phaiⁿ un-tian (chū-tōng-chhia pháiⁿ ūn-choán). Ji-do-sia chhu-lai chhu-khi (chū-tōng-chhia chhu--lâi chhu--khì). I-ku wa I-ku, kae-ru wa nai (chi̍t-chiah chi̍t-chiah chhut--khì, bô pòaⁿ-chiah tńg--lâi).
|
嘉義一個大成功ê企業家叫做林仔朴。伊有一擺去日本ê東京旅行。伊講：Siat--sia Lin Pau-si(我是林仔朴）。Mok-ka Ni-hon To-kyo ji-sa-chu （現在來日本東京自殺）（伊講m̄-tio̍h,應該講『si-sa-chu』，視察ê意思）。Tai-oan e ka-ta-et-ra 50 ban ji-do-sia soh-si-khi(轉去台灣beh創設50萬ê自動車會社）（應該講『so-si-khi』, 組織ê意思）。A-me hu-ru thian （落雨天），ji-do-sia phaiⁿ un-tian(自動車歹運轉）。Ji-do-sia chhu-lai chhu-khi （自動車chhu--來chhu--去）。I-ku wa I-ku,kae-ru wa nai （一隻一隻出--去，無半隻轉--來）。 |
