Chhin-chhiat ê Tâi-thi̍h ho̍k-bū
|
親切ê台鐵服務 |
|---|---|
| N̂g Chin-kiù | 黃真救 |
|
Ū chi̍t-ê seng-lí-lâng chē hóe-chhia tùi Tâi-pak loh-lâm khì Tâi-lâm chò seng-lí. Kóaⁿ-kín chông--chhut-lâi, bô sî-kan thang khì la̍p chúi-cho͘ kap tē-cho͘. Peh chiūⁿ hoe-chhia chiah kám-kak tio̍h khì it-hō.
|
有一個生理人坐早班ê火車tùi台北落南beh去台南做生理。趕緊chông--出-來，無時間thang去納水租kap地租。Peh上火車chiah感覺tio̍h去一號。 |
|
Hit pan ê hóe-chhia cha̍t-thóng-thóng, lâi kàu Pang-kiô, I thiaⁿ-tio̍h lâng hoah kóng: “Pàng-jiō !”thiaⁿ chi̍t-ē chiok sóng-khoài. I kóng Tâi-thi̍h chin chhin-chhiat thêng-chhia beh hō͘ lâng pàng-jiō la̍p chúi-cho͘.
|
Hit班ê火車cha̍t-thóng-thóng。來到板橋，伊聽著人喝講：『 放尿！』（pàng-jiō)，聽一下足爽快。伊講台鐵真親切停車beh hō͘人pàng-jiō納水租。 |
|
Chē kàu Ka-gī, ū-lâng hoah kóng: “Chiah pau-á su-si̍h khì-chúi pháng Cider.” HahN ! Chiah chhin-chhiat kiò-lâng “Chiah pau-á sûi-sî khì páng-sái--lah”, thêng-chhia kiò-lâng khì la̍p tē-cho͘.
|
坐到嘉義，有人喝講：『食包仔su-si̍h汽水pháng Cider!』HahN!Chiah親切叫人『食包仔隨時去pàng屎--lah』，停車叫人去納地租。 |
