Hoat-kiû kap fxck yo͘
|
『發球』kap “fxck yo͘” |
| Lîm Chheng-Siâng |
林清祥 |
|
Góa beh kóng ê chhiò-ōe kap Eng-gí ū koan-hē, ū 1-sut-á sek-chhái:
|
我beh講ê笑話kap英語有關係，有一sut-á色彩： |
|
1-ê tiāⁿ-tiāⁿ phah bāng-kiû (thian-ní-sù,teⁿis) ê tông-sū kiò , ū 1-kang in tau lâi 1-ê gōa-kok pêng-iú. Keh-tńg-kang thàu-chá, chit-ê tông-sū tō iau-chhiáⁿ in pêng-iú tâng-chê lâi phah bāng-kiû. Tông-sū ê nî-kí put-chí-á tōa, múi-pái lóng mā-sī phah siang-táⁿ, m̄-bat phah tan-táⁿ, bô khui-la̍t--lah.
|
一個定定拍網球(thiân-ní-sù,teⁿis) ê同事，叫 <摸摸雄>，有一工in兜來一個外國朋友，隔轉工透早，這個同事tō邀請in朋友同齊來拍網球。同事ê年紀不止á大，每擺攏mā是拍雙打，m̄-bat拍單打，無氣力--lah 。 |
|
Mo-mo-siông chin ài kóng chhiò-ōe, ūi-tio̍h chheng-ho͘ khah seng khùi-la̍t, goán kui-tīn kiû-iú lóng kiò i “Mo-mo” niā-niā. Kiàn-pái i nā chhut-lâi phah-kiû, goán hn̄g-hn̄g tio̍h tōa-sè-siaⁿ hoah: “Mo-mo lâi--a, Mo-mo lâi--a”, chin chhin-chhiat. Hit chái-khí, Mo-mo chio in gōa-kok pêng-iú lâi phah-kiû, tong-jiân phah siang-táⁿ.
|
摸摸雄真愛講笑話，為著稱呼khah省氣力，阮規陣球友叫伊『摸摸』niā-niā。Kiàn擺伊若出來拍球，阮遠遠tio̍h大細聲喝：『摸摸來--a，摸摸來--a』，真親切。Hit早起，摸摸招in外國朋友來拍球，當然雙打。 |
|
Tē-1-kio̍k tùi-hong hoat-kiû, phah soah, Mo-mo chi̍t-pêng iâⁿ. Chit-mái ōaⁿ Mo-mo ê pha-to͘-na (partner) hoat-kiû. Mo-mo iâⁿ-kiû, thiòng kah chit-si soah bē-kì-tit iōng Eng-gí kóng: “Now, it's yo͘r turn to serve.” (Chit-má lûn kàu lí hoat-kiû.) Tian-tó Tâi-oân-ōe tō làu--chhut-lâi: “Ōaⁿ lí hoat-kiû--lah! ” In pêng-iú ka-na thiaⁿ bat tiong-ng hit 1-jī, thâu-á-bóe lóng thiaⁿ bô, kam-kak chin kî-koài, góa ê pêng-iú ná ē kóng hit khoán chho͘-ōe leh ! Iōng Eng-gí kā ìn : “How come yo͘ said "fxck yo͘" to me? Are yo͘ o͘t of mind ? ”
|
第一局對方發球，拍soah,摸摸這旁贏。chit-mái換摸摸ê pha-to͘-na (partner)發球。摸摸贏球，thióng khah 一時soah bē記得用英語講：Now,it's yo͘r turn to serve. (chit-mái 輪到你發球。) 顛倒台灣話to làu--出-來：『換你發球--lah ！』in朋友ka-na聽bat中央hit一字，頭á尾聽無，感覺真奇怪，我ê朋友ná會講hit 款粗話--leh ！用英語kā應：“How come yo͘ said "fxck yo͘" to me? Are yo͘ o͘t of mind?” |
|
Mo-mo 1-sî mā sa bô-chang, chit ê pêng-iú ná ē chiah siūⁿ-khi. Siūⁿ kui-po͘, chiah ka-ti siàn 1-ê chhùi-phóe. Goân-lâi sī án-ne o͘h . I tāi-khài sī chiong "Hoat-kiû" thiaⁿ choh "fxck yo͘" chit ê 3-jī-keng.
|
摸摸一時mā sa無chang,這個朋友ná會chiah siūⁿ氣，想幾晡，才家己sián一個嘴póe，原來是按呢--o͘h。伊大概 是將 『發球』聽作『fxck yo͘』這個三字經。 |
