Khí-mo͘
|
齒毛 |
| Liāu Phek-gio̍k |
廖碧玉 |
|
Tâi-oân-lâng ū 1-kù-ōe kóng : “Chò tio̍h chin khí-mo͘。”Chit chióng iōng-sû sī Tang-lâm-a kî-thaⁿ tē-hng ê lâng bô--ê,khí-goân sī Jit-gí khi-mo͘-chi,ì-sù sī chin tùi-tâng、chin sóng-khoài。
|
台灣人有一句話講：『做著真齒毛』。這種用詞是其他東南亞地方ê人無ê ，起源是日語khi-mo͘-chì,意思是真對同 (tâng) 、真爽快。 |
|
Góa ê A-kong tú-tú tī kū-nî kòe-sin,I kòe-sin ê sî sī 94 hòe,I ê hàn-bûn ē-hiáu khòaⁿ，Jit-gí iā ē-hiáu kóng,chóng--sī,góa m̄-bat thiaⁿ I kóng kòe Jit-gí。Sui-jiân bêng-chai khí-mo͘ sī siáⁿ-mi̍h ì-sù,m̄-koh,I siông-siông ba̍k-chiu bui-bui、ba̍k-thau kat-kat mn̄g-kóng:“Kî-koài,chit-ê chhùi-khí chóaⁿ-iūⁿ ē seⁿ mo͘?Nā-bô,ná ē hō-choh khí-mo͘,góa sian siūⁿ to siūⁿ bô。”
|
我ê阿公tú-tú tī舊年過身，伊過身ê時是九十四歲，伊ê漢文會曉看，日語也會曉講，總是，我m̄-bat聽伊講過日語。雖然明知齒毛是啥物意思，m̄-koh,伊常常目睭bui bui、目頭結結，問講：『奇怪，這個嘴齒怎樣會生毛，若無，那會號做齒毛，我sian想to想無』。 |
|
Ū chi̍t-jit,I keng-kòe chi̍t-tóng tōa-lâu,hit tóng tōa-lâu ū chē-chē seng-lí teh keng-êng,kî-tiong ū khí-kho-I-seng,iā ū tiān-thâu-mo͘-tiàm,I hiông-hiông siūⁿ thong,kóng:“ O͘h,goân-lâi khí-mo͘、khí-mo͘ chiū sī chit-ê ì-sù。”
|
有一日，伊經過一棟大樓，hit棟大樓有chē chē 生理teh經營，其中，有齒科醫生，也有電頭毛店，伊雄雄想通，講：『O͘h,原來齒毛、齒毛就是這個意思』。 |
