Hō Eng-bûn miâ
|
號英文名 |
| Lâu Kia̍t-ga̍k |
劉杰岳 |
|
Choân sè-kài tō sī China-lâng khòaⁿ ka-tī siōng bô, ke̍k ài hō Eng-bûn miâ.
|
全世界tō是中國人看家己上無，極愛號英文名。 |
|
China siōng tōa ê ka-cho̍k tō sī “Sòng--sī ka-cho̍k”, phó͘-thong lâng lóng kiò in “Sòng--sī Ông-tiâu”. Ông-tiâu--ni̍h ū 3 ê kong-chú, hō-chò Sòng Khèng-lêng, Sòng Bí-lêng kap Sòng Ái-lêng. In chū sè-hàn tō o̍h Eng-gí, koh hō chiâⁿ súi-khùi ê Eng-bûn miâ: Jean, Joe, Holly.
|
中國上大ê 家族tō是「宋--氏家族」，普通人攏叫in「王朝」。王朝ni̍h有3個公主，號做宋慶齡、宋美齡、宋藹齡。In自細漢tō學英語，koh 號誠súi ê英文名：Jean, Joe, Holly。 |
|
Ū 1 kang kok-ông chhōa 3 ê kong-chú khì chham-ka Bí-kok léng-sū pān ê àm-hōe. Àm-hōe ê sî, kok-ông chhōe tio̍h ki-hōe kín kā i hit 3 ê siāu-kài hō͘ Bí-kok léng-sū. I chiok kín-tiuⁿ, kóng gah phi̍h8-phi̍h8 chhoah: “Chia--ê sī goán cha-bó͘-kiáⁿ, tōa--ê kiò ‘Chin sóng’ (Jean Sòng), jī--ê kiò ‘Chiok sóng’ (Joe Sòng), ban-kiáⁿ kiò ‘Hō͘ lí sóng’ (Holly Sòng). Nā ū in ē-tàng ho̍k-bū ê só͘-chāi, bián kheh-khì, chhiáⁿ chīn-liōng hoan-hù.”
|
有一工國王chhōa 3個公主去參加美各領事辦ê 暗會。暗會ê 時，國王chhōe著機會緊kā 伊hit 3個紹介hō͘美國領事。伊足緊張，講gah phi̍h8-phi̍h8 chhoah:「Chia--ê 是阮查某子，大ê 叫真爽（Jean Sòng)，二--ê 叫足爽（Joe Sòng)，尾子叫Hō͘ 你爽（Holly Sòng)。若有in會當服務ê 所在，免客氣，請盡量吩咐。」 |
|
(Tâi-bûn Bóng-pò tē 78 kî, 2003 nî 3 ge̍h)
|
(台文罔報第78期，2003年3月) |
