Ah---sái-kóng
|
Ah---屎管！ |
| Iûⁿ Chín-jū |
楊振裕 |
|
Chng-kha chhin-ke chhēng súi-súi ji̍p-siâⁿ khì hō͘ to͘-chhī chhin-ke chhiáⁿ. To͘-chhī chhin-ke chiâⁿ ū sêng-ì, sûi tō pān kah 1-tè-toh khiau-khiau-khiau, ū hî ū bah ia̍h-ū pang-kah, beh hó-hó lâi chiau-thāi i.
|
庄腳親家穿súi-súi入城去 hō͘都市親家請。都市親家chiâⁿ有誠意，隨tō辦kah 1-tè桌khiau-khiau-khiau,有魚有肉亦有pang-kah,beh好好來招待伊。 |
|
Chiú-iàn khai-sí--a, kui toh-téng chheⁿ-chhau lut-lut, chng-kha chhin-ke chhùi-nōa kiông-beh lâu--chhut-lâi. I tī gia̍h--leh, N̄g-lúi ba̍k-chiu tián kah tōa-tōa-lúi, hiòng 1-pôaⁿ kiuⁿ-si-chhá-tōa-tn̂g kim-kim siòng.
|
酒宴開始--a,規桌頂chheⁿ-chhau lut-lut,庄腳親家嘴瀾強beh流--出-來，I箸 gia̍h--leh,兩蕊目睭展kah大大蕊，向1盤薑絲炒大腸金金siòng。 |
|
“Bián kheh-khì--lah!” To͘-chhī chhin-ke khòaⁿ I ná-chhiūⁿ pháiⁿ-sè pháiⁿ-sè ê khoán, tō kā kóng : " He----tōa-tn̂g--lah, ngeh khì phòe--lah !”
|
「免客氣啦！」都市親家看伊ná像歹勢歹勢ê款，tō kā講：「He大腸--lah,ngeh去phòe--lah!」 |
|
Chng-kha chhin-ke thâu oa̍t--kòe-lâi, ìn kóng: “Ah---sái-kóng--lah !”
|
庄腳親家頭oa̍t--過-來，應講：「Ah，sái-kóng--啦！（Ah--屎管！）。」 |
|
Chù: (1) 1-tè-toh khiau-khiau-khiau:Chhài-sek chiâⁿ phang-phài (2) Sái-kóng: m̄ bián-kóng
|
註：(1) 1-tè桌khiau-khiau-khiau:菜色chiâⁿ phang-phài (2) Sái-kóng: m̄免講 |
