Ū-che-lâng kap ū-chi̍t-ê-lâng
|
有che人kap有一個人 |
|---|---|
| Siau Lah-ji̍h | 蕭Lah-ji̍h |
|
Siōng-tè ū-chi̍t-kang hòa-chong chò chi̍t-ūi ha̍k-chiá, lâi-kàu chi̍t-keng ha̍k-hāu ián-káng.
|
上帝有一工化妝做一位學者，來到一間學校演講。 |
|
I kóng: Tâi-gí chin hó-thiaⁿ, m̄-koh chin pháiⁿ-o̍h, m̄-chai lán chia-ê pêng-iú ū-lâng thiaⁿ--bô--bô?” I kè-sio̍k lo̍h-khì kóng, m̄-kuh i khòaⁿ hoán-èng bô-thang hó, tio̍h án-ni mn̄g ta̍k-ê: “ná-chhiūⁿ ū ‘che’ lâng thiaⁿ-bô ê khoán--ō͘?
|
伊講：「台語真好聽，m̄-koh真歹學。M̄知咱chia-ê朋友有人聽無--無？」伊繼續落去講，m̄-kuh伊看反應無thang好，就án-ni問逐個：「若像有『che』人聽無ê款--ō͘?」 |
|
Sûi-sî ū chi̍t-ê-lâng peh--khí-lâi, khì-phut-phut kóng: “Lí ná ē kóng góa thiaⁿ-bô?”
|
隨時有一個人peh--起來，氣phut-phut講：「你哪會講我聽無？」 |
|
“Góa kám ū án-ni kóng?”
|
「我kám 有án-ni講？」 |
|
“Lí m̄-sī kóng ū chi̍t-ê-lâng thiaⁿ-bô? Lí kám m̄-chai-iáⁿ “óa sī kok-ì-lâng”?”
|
「你m̄是講有一個人聽無？你kám m̄知影『我是國語人』？」 |
|
“Góa chai-iáⁿ lí sī kok-ì-lâng, m̄-kuh góa bô kóng lí “chit-ê-lâng “, góa sī kóng ū “che” lâng thiaⁿ bô tâi-gí ê khoán--lah! M̄-thang gō͘-hōe. M̄-sī ū chi̍t-ê-lâng--lah!
|
「我知影你是國語人，m̄-kuh我無講你『這個人』，我是講有『che』人聽無台語ê款--lah！M̄-thang誤會。M̄是有『一個人』--lah！」 |
|
Ū che lâng? Ū chi̍t-ê-lâng? Ū che lâng? Ū chi̍t-ê-lâng? Iah m̄-sī lóng kāng-khoán?
|
有che人？有一個人？有che人？有一個人？亦m̄是攏共款？ |
|
Siōng-tè kóng: Ah góa m̄-sī kā lín kóng-kòe, Tâi-gí chin hó-thiaⁿ, m̄-koh chin pháiⁿ-o̍h.
|
上帝講：「Ah我m̄是kā lín講過，台語真好聽，m̄-koh真歹學。」 |
